Þetta var rosalegt! Vinna hér í framlengingunni sem þær tryggðu sér á lokasekúndu uppbótartíma að venjulegum leiktíma loknum.

Annar leikurinn í röð sem Blikar fara í framlengingu og þreyta og hiti sagði til sín í þessum leik.
Frábærar skiptingar og að eiga Karitas og Öglu Maríu inni á bekknum var klókt og seiglan sem allt liðið sýndi skilaði þessum sigri að lokum!!

Takk fyrir samfylgdina hér á þessum dýrðar morgni.

Kristín Dís neglir boltanum fram og leikurinn er flautaður af!

Við erum komin á síðustu mínútu venjulegs leiktíma framlengingarinnar

Kristín Dís með aukaspyrnu við miðjulínuna setur hann upp á Líf sem rétt missir hann útaf, var að koma sér í fína stöðu

Góð ranstöðugildra hjá Blikum skilja Pilipenko eftir inn fyrir og flaggið fer réttilega á loft!

Brotið á Taylor Kane við miðjubogann, Elín Helena tekur spyrnuna upp á Líf sem nælir í innkast á fínum stað

Elín Helena sterk í öftustu línu, heldur manninum frá og skýlir boltanum útaf

Hún er staðin upp sem betur fer því Blikarnir eiga engann mann inni á bekknum

Ása brýtur, aukaspyrnan beint í hendurnar á Herdísi Höllu, Þórdís Elva liggur eftir og Herdís setur boltann útaf svo hægt sé að hlúa að henni

Charlionak með hornspyrnu en Elísa hreinsar

Let's go!

Blikar leiða 3-2 í hálfleik framlengingarinnar! Nú er bara að halda þetta út síðustu 15 mínúturnar!

Þórdís Elva með frábæra sendingu á Líf sem reynir að munda skotfótinn, boltinn berst til hliðar þar sem Taylor Kane reynir að elta frákastið en Kovalchuk nær þessu

Þreytan er heldur betur stærsti faktorinn á vellinum! Léleg sending til baka sem Pilipenko kemst inn í og er komin ein gegn Herdísi en hún er líka þreytt og nær engu krafti í þetta!

Það sést á tempóinu á leiknum að allir leikmenn eru þreyttir og hitinn er ekki að hjálpa!

Ása komin í dauuuuuðafæri en rétt framhjá markinu

Það er framlenging!

+5
Korneenko settur boltann hárfínt yfir! Það eru færi á báða bóga hér í lok leik

+3
Ása með hööööörkuskot sem Kovalchuk þarf að hafa sig alla við að verja

+2
Elín Helena brýtur á Plipenko

+1
A.m.k. 5 mínútur í uppbótartíma!

Taylor Kane bæði rangstæð og og eiginlega slær boltann með höndinni í fremstu línu

Agla María með aukaspyrnu á hættulegum stað! rétt fyrir utan teiginn, setur þetta á fjær, boltinn berst til hliðar þar sem Dórothea á hörkuskot en rétt yfir

Hér eru allir orðnir þreyttir, bolti til baka sem Kristín reynir ekki einu sinni við í öftustu línu þetta var eiginlega bara vísun á skyndisókn en sem betur fer er Charlionak jafn þreytt og skotið hennar laust og langt framhjá

Taylor smellir sér í fremstu línu, það væri nú saga til næsta bæjar ef hún næði bara að jafna leikinn

Taylor Kane er að gera sig klára til að koma inn á sem útileikmaður!!!

Þetta hélt ég ekki að ég myndi sjá hjá Blikum en örugglega gaman fyrir hana að fá Evrópuleik sem útileikmaður! Allavega góð saga til að segja barnabörnunum!

Pilipenko er frábær að finna veika hlekki og gengur á lagið, finnur svo Kaliuta til hliðar sem er komin ein gegn Herdísi sem ver frábærlega frá henni!

Blikar að ógna! Kovalchuk þarf að hafa sig alla við að vera á undan Ásu að kýla boltann

Agla María með hornið, setur hann á miðjann teiginn og Blikar vilja víti! Kovalchuk fer út, tekur boltann en líka andlitið á Karitas, annað horn sem kemur þó ekkert úr

Líf skallar boltann áfram á Elísu sem er allt í einu komin í góða stöðu en setur boltann í varnarmann og útfyrir,

Elísa finnur Þórdísi Elvu sem á þrumuskot en framhjá

Nú er að duga eða drepast fyrir Blikana og þær hafa 20 mín til þess að koma inn 2 mörkum

Það þarf að kæla sig og vökva í hitanum

Aftur eru þær í veseni aftast hjá Blikum, lélegar sendingar sem eru að verða dýrkeyptar en þær bjarga sér fyrir horn núna

Elísa reynir fyrirgjöf á fjær en þar er enginn

Pilipenko kemst ein í gegn en skotið er lélegt og beint á Herdísi

Agla María með horn, en setur boltann í hliðarnetið

Jæja ég jinxaði þetta kannski? Mikill vandræðagangur í öftustu línu Blika en sem betur fer ná þær að halda þessu en það má ekki missa einbeitinguna í eina sek

Það er allt annað að sjá þetta Blikalið í seinni hálfleik!

Þórdís Elva setur Karitas í gegn en hún nær ekki alveg til hans

Agla María með annað flott horn sem Kovalchuk þarf að slá út og þær ná ekki að hreinsa almennilega, boltinn hins vegar út fyrir endalínu frá Blikum og markspyrna er það heillin

Elísa með fínustu fyrirgjöf og Blikar næla sér í horn, Agla María tekur það en ekkert kemur úr því

Ása á fyrst skotið í þverslánna og svo strax á eftir skýtur Þórdís Elva í stöngina!! Þetta er það sem ég er búin að vera biðja um! að Blikarnir fari að keyra á þetta

Elísa brýtur af sér á miðjum velli, Charlionak tekur spyrnuna að teignum en Blikakonur ná svo að koma þessu frá

Þreföld skipting hjá Blikum í hálfleik

Líf tekur þetta og Blikarnir bruna strax í hættulega sókn!

49% Ball possession 51%
2 skot 5
1 skot á mark 2
3 horn 2
5 brot 2

Tölfræðin sýnir okkur hvernig Blikarnir hafa verið undir í leiknum þrátt fyrir að vera einum manni fleiri stærstan part fyrri hálfleiks. Minna með boltan, Færri skot og hafa brotið oftar

Klaufaskapur í vörn Blika sem endaði með marki hjá markamaskínunni og fyrirliðandum Pilipenko.

Hanna Siniauskaya lét svo henda sér í sturtu stuttu seinna þegar hún fékk rautt spjald fyrir að rífa í hárið á Edith. Blikarnir hafa þannig verið 1 fleiri í u.þ.b. hálftíma og þær verða að fara nýta það ef þær ætla að halda Evrópuævintýrinu gangandi

Katelyn tekur horn fyrir Blika, flottur bolti á fjær en þær rétt missa af boltanum. Þetta hafa verið hörkuhorn hjá henni í dag

Það eru 3 mín í uppbótartíma og við erum í +2 núna

Charlionak tekur hornið, Herdís slær boltann frá og svo hörkuskot frá Tsikhamirava en framhjá sem betur fer

Elín Helena með mjög erfiðan bolta til baka sem Herdís á bara ekki séns í að komast í, horn sem Dinamo fá

Pilipenko setur Tsikhamirava í gegn, hún reynir fyrirgjöfina og það er hættulegur bolti en enginn er þót mættur í hann sem betur fer!

Þórdís Elva með góða takta og endar svo með hörkuskoti en það er yfir, Blikarnir þurfa að fara nýta þetta momentum sem er með þeim núna

Ása prjónar sig í gegn setur boltann svo til hliðar á Edith sem tekur skotið eiginlega í skrefinu og því ekki nægilega gott. Laust á Kovalchuk í markinu en klárlega hættulegasta færi Blika í dag!

Kristín Dís fær að spreyta sig í alls konar hutverkum í dag! Hún er alls ekkert að spila í varnarlínunni eins og við mætti búast, hún byrjaði hér upp á topp og er nú komin á vinstri kantinn þar sem hún skipti við Edith

Elísa reynir fyrirgjöf en Kovalchuk í markinu hoppar hæst og grípur þetta

Strax hætta á ferðum hjá Dinamo en Herdís Halla grípur vel inn í

Það er heitt í dag og liðin fá vatnspásu

Hildur Þóra brýtur á Pilipenko á miðjunni, þær taka þetta bara langt og skapa hættu en Blikakonur ná svo að koma boltanum frá

Edith nælir í horn sem Katelyn tekur, setur hann á fjær þar sem Olga og Pilipenko skella saman við að reyna við boltann

Dinamo konur eru beittar í sínum aðgerðum fram á við og það má ekki helst ekki gera nein mistök, annars eru þær komnar á þig strax

Ása nælir í horn fyrir Blikakonur, Katelyn tekur hornið og setur hann á miðjann teiginn, þær eru í baráttunni en Dinamo konur ná svo að koma þessu frá

Edith brýtur á Pilipenko, kemur ekkert markvert úr þeirri aukaspyrnu þó

Þetta byrjar voðalega hægt, Blikakonur ekki alveg fundið taktinn og hafa varla tengt sendingar það sem af er.

Pilipenko fylgir og pressar á Herdísi en hún er með þetta í teskeið

Siniauskaya reynir fyrirgjöf en Herdís Halla grípur þetta

Artishevskaya brýtur á Kristínu Dís, þær eru fljótar að taka þetta en ekkert kemur úr þessu í bili

Kristín Vala með skemmtilega hreyfingar úti á kantinum

Dinamo konur hefja leikinn fyrir okkir

Liðin komin á völlinn og við erum alveg að fara detta í gang!

Ian Jeffs gerir 3x breytingar á byrjunarliðinu frá síðasta leik gegn Aktobe.

Inn í liðið koma Olga Ingibjörg, Hildur Þóra og Kristín Vala. Þær tvær síðarnefndu að byrja sína fyrstu leiki fyrir Blikaliðið í sumar!

Dinamo-BSUPC kemur frá Belarús og hefur verið fastagestur í Evrópukeppni undanfarin ár. Liðið hefur tekið þátt í forkeppni Meistaradeildarinnar á hverju tímabili frá 2021/22 en hefur hingað til ekki náð að komast í sjálfa deildarkeppnina.

Á síðustu leiktíð komst Dinamo í úrslitaleik mini-mótsins eftir 2-1 sigur gegn Vllaznia en tapaði þar 4-0 gegn Ferencváros. Liðið er því vant þessari tegund Evrópuleikja og kemur með töluverða reynslu inn í viðureignina gegn Breiðabliki.

Ein reynslumesta kona liðsins er hin 37 ára Anna Pilipenko. Hún er bæði leikjahæsti og markahæsti leikmaður Dinamo-BSUPC í Meistaradeildinni samkvæmt UEFA, með tíu leiki og sex mörk.

Breiðablik tapaði leik sínum gegn Aktobe á sársaukafullan hátt þegar þær töpuðu vítaspyrnukeppni með ekkert skorað mark, að lokinni framlengingu.

Dinamo-BSUPC tapaði hins vegar sínum leik sannfærandi 3-0 gegn Servette.

Þar sem bæði liðin töpuðu undanúrslitaleikjum sínum eiga þau því ekki lengur möguleika á að komast áfram í Meistaradeildinni, en það er engu að síður mikið undir.

Sigurvegari leiksins tryggir sér 3. sætið í mótinu og um leið sæti í 1. umferð UEFA Women’s Europa Cup. Þar tekur við hefðbundið útsláttareinvígi, heima og úti, en tap í leiknum í dag þýðir að Evrópuævintýri liðsins er lokið.

Breiðablik þarf því sigur gegn Dinamo-BSUPC til að halda Evrópuævintýrinu áfram.

Við fáum að sjá sama spænska og norska dómarateymi og í síðasta leik Breiðabliks en hins vegar breytast hlutverkin.

Á flautunni í dag verður hin norska Karoline Marie Jensen og henni til halds og trausts verða landa hennar Helle Reiten og hins spænska Rocio Puente Pino.

Fjórði dómarinn er þá Paola Cebollada López

Heil og sæl! Verið velkomin í þessa beinu textalýsingu frá leik Breiðabliks og Dinamo-BSUPC á Aktobe Ortalyk Stadion í Kasakstan, í leikinn um 3. sætið í þessu mini-móti í forkeppni Meistaradeildarinnar.

Leikurinn hefst stundvíslega klukkan 07:00!