Frábær frammistaða Leiknis í dag skilar þremur stigum. Fylkismenn hafa átt miklu betri daga. Ég þakka fyrir mig, viðtöl og skýrsla væntanleg síðar í kvöld.

Magnús Daði liggur eftir.

Eins og svo oft áður í þessum leik flýgur boltinn yfir allan pakkann og í innkast.

Birnir Breki keyrir að marki Fylkis og tekur fínt skot sem fer rétt framhjá markinu.

Boltinn flýgur yfir allan pakkann og í innkast.

Hlynur Sævar með fínt skot rétt fyrir utan teig sem Ólafur Íshólm ver út í teiginn.

Kári Steinn tekur spyrnuna en hún flýgur yfir allan pakkann.

Guðmundur Tyrfingsson með gott skot sem fer rétt yfir markið.

Rólegt þessa stundina.

Ólafur Kristófer með háan bolta sem ratar beint á Eyþór Wöhler, en skotið hans er aumt og Leiknismenn hreinsa frá.

Arnór Breki tekur hana, en skotið rétt framhjá. Fylkir aðeins að sækja í sig veðrið.

Máni Austmann með gott skot sem Ólafur Íshólm ver mjög vel.

Leiknismenn hafa verið að ógna öðru marki. Fylkismenn eru að halda vel í boltann en ákvarðanatakan á síðasta þriðjungi alls ekki nógu góð. Mikið af misheppnuðum sendingum sem Leiknismenn hafa nýtt í hættulegar skyndisóknir.

Axel Freyr með sniðugt skot, Ólafur Kristófer sér hann seint og ver meistaralega. Hornspyrnan kemur inn á teiginn en það er skallað frá.

Guðfinnur með lúmskt skot fyrir utan teig, en öryggið uppmálað hjá Ólafi í markinu.

Leiknir eru auðvitað yfir og hafa líka stjórnað þessum leik. Fylkir hafa fengið fín færi en ekki nýtt þau.

Bogdan kemur með hættulega fyrirgjöf sem Fylkismenn koma í horn. Hornspyrnan kemur inn á teiginn en það er skallað frá.

Kári Sigfússon kemst upp að endamörkum, kemur með boltann inn á teiginn en það er brotið á Ólafi Íshólm í markinu.

Þeir taka hana stutt og spila sín á milli í öftustu línu.

Guðmundur Tyrfingsson með skot á lofti sem fer hátt yfir markið.

Kári Steinn með skot rétt fyrir utan teig sem fer framhjá.

Þeir taka hana stutt og síðan kemur fyrirgjöf sem er skölluð frá.

Eyþór Wöhler stangar boltann aleinn og óvaldaður rétt framhjá markinu.

Kári Sigfússon kemst upp að endamörkum og Bogdan kemur boltanum útaf. Hornspyrnan var ákaflega skrýtin, flaug yfir allan pakkann og í innkast.

Bæði lið eru að skipast á að halda í boltann um þessar mundir.

Spyrnan kemur inn á teiginn og það er mikill darraðadans áður en Leiknir koma boltanum frá.

Heimamenn byrja með boltann.

Það eru fimm mínútur í leik og liðin halda til búningsherbergja.

Það er búin að vera hellirigning í nánast allan dag, grasið er því rennandi blautt og við megum búast við hröðum og spennandi leik. Annars eru 12 gráður og smá vindur.

Brynjar Björn Gunnarsson gerir tvær breytingar á liði sínu eftir 1-0 tap gegn Grindavík. Inn koma Jóhann Kanfory Tjörvason og Anton Fannar Kjartansson. Adam Örn Arnarson er utan hóps og einnig Dagur Ingi Hammer Gunnarsson.

Heimir Guðjónsson gerir einnig tvær breytingar á liði sínu eftir 3-1 sigur á Völsung. Inn koma Eyþór Aron Wöhler og Nikulás Val Gunnarsson. Dagur Traustason og Bjarki Steinsen Arnarsson eru utan hóps.

Ágúst Hlynsson fékk það verkefni að spá fyrir 17. umferð Lengjudeildar karla. Hann spáir 1-2 útisigri Fylkis.



Leiknir R. 1 - 2 Fylkir
Verður alvöru baráttuleikur í breiðholtinu nóg af gulum spjöldum en Fylkir Skorar winner á 82 min frá Eyþóri Wöhler.

Liðin mættust síðast á Fylkisvelli 27. maí í 6. umferð Lengjudeildarinnar. Fylkir hafði betur, 3-0, og tók öll stigin. Guðmundur Tyrfingsson kom Fylki yfir í fyrri hálfleik, Guðfinnur Þór Leósson tvöfaldaði forystuna eftir hlé og Guðmundur Tyrfingsson innsiglaði síðan sigurinn með sínu öðru marki í leiknum. Hægt er að sjá allt það helsta úr leiknum fyrir neðan.

Faruk Iriskic frá Danmörku er aðaldómari í dag. Honum til aðstoðar eru Egill Guðvarður Guðlaugsson og Anna Kjær Schmidt. Eftirlitsmaður er Gunnar Jarl Jónsson.

Fylkir hefur átt sterkt tímabil hingað til og verið í toppbaráttunni frá upphafi móts. Liðinu var spáð 2. sæti fyrir tímabilið af þjálfurum og fyrirliðum Lengjudeildarinnar og hefur að mestu staðið undir þeim væntingum. Sem stendur situr Fylkir í 2. sæti deildarinnar með 33 stig og eru í harðri baráttu um sæti í Bestu deildinni.

Leiknir hefur átt sveiflukennt tímabil í Lengjudeildinni hingað til. Liðið byrjaði ágætlega en hefur misst aðeins flugið að undanförnu og eru án sigurs í síðustu fimm deildarleikjum. Eins og staðan er nú situr Leiknir í 8. sæti deildarinnar með 19 stig. Þeim var spáð 9. sæti fyrir tímabilið.

Gott kvöld kæru lesendur og verið velkomin í beina textalýsingu frá Leiknisvelli. Í kvöld eigast Leiknir og Fylkir við í 17. umferð Lengjudeildar karla.

föstudagur 7. ágúst
19:15 Afturelding-Grindavík (Malbikstöðin að Varmá)
19:15 Leiknir R.-Fylkir (Leiknisvöllur)