Skýrsla og viðtöl örlítið síðar.

Rétt utan teigs fá Framarar aukaspyrnu. Sara tekur og hamrar boltann rétt yfir markið

Elizabeth vinnur boltann á eigin vallarhelming og æðir upp völlinn, framhjá tveimur frömmurum og leggur svo boltann á Erin sem er í góðu færi en setur boltann yfir

Fram á aukaspyrnu úti vinstra megin sem endar sem horn hægra megin. Ekkert verður úr því

Nú er það Þór/KA sem kemst upp og Erin á fyrirgjöf en of framarlega

Fram brunar upp og Hlín fær hann hægra megin og kemur honum fyrir markið. Það skiptir hana engu hvort það er með hægri eða vinstri, fyrirgjafirnar eru ansi góðar. Þessi er skölluð framhjá.

Fram brýst upp vinstra megin og kemur boltanum fyrir markið þar sem Sara mætir og setur boltann hátt yfir markið

Framliðið er að hressast og pressar á Þór/KA þessa stundina

Hlín kemst upp hægra megin og á enn eina góða fyrirgjöf sem Arna skallar í burtu. Í kjölfarið kemur skot yfir markið frá Söru

Una fær boltann utan teigs, tekur skotið sem Margrét kemst fyrir, Fram heldur sókninni áfram og Hlín kemst inn í teig og á góða fyrirgjöf sem endar með skalla rétt framhjá

Þór/KA fær horn frá hægri. Hildur tekur eins og áður. Hún sendir boltann vel fyrir en Fram skallar í burtu

Hildur fær langa sendingu inn fyrir og gerir vel að ná boltanum. Leggur hann út á Amalíu sem á skot beint á markmanninn. Þarna hefði hún átt að gera betur

Fram fær aukaspyrnu vinstra megin og senda inn í teig á Allie

Þór/KA fær horn frá vinstri. Tekið stutt og Hildur fær boltann aftur. Sendir fyrir og María skallar í markið en dæmd rangstæð. Þetta var tæpt svo ekki sé meira sagt.

Margrét leggur boltann inn fyrir á Amalíu sem snýr og kemur boltanum inn í teig á Erin sem gerir vel í að koma sér í færi en á skot yfir markið

Góð sending í gegnum vörn Þór/KA en Allie mætir og nær að slá boltann burt rétt á undan Öldu

Alda kemst upp hægra megin eftir að Sveinn nýtir hagnað og Alda kemur boltanum fyrir en Þór/KA hreinsar

Amalía fær góðan bolta yfir Ashley á fjærstöng en nær ekki að stýra boltanum með höfðinu á markið

Þór/KA kemst upp hægra megin og María Dögg á góða fyrirgjöf en það vantar stelpu á fjærstöngina þannig að boltinn siglir út af

Horn frá hægri. Hildur tekur á nærstöng þar sem Margrét kemur á ferðinni og setur boltann framhjá

Fram fær horn frá hægri sem Una tekur beint á kollinn á Öldu sem skallar yfir.

Sara fær boltann út í teig eftir að Fram vill fá víti og á gott skot sem Allie ver í horn

Enn ein fyrirgjöfin frá Huldu Ósk og enn ein markvarslan hjá Ashley

Margrét vinnur boltann við eigin vítateig, kemur með hann upp völlinn og leggur svo til hægri á Huldu Ósk sem kemur með mjög góða fyrirgjöf en Ashley, sem fyrr, vel vakandi og nær að slá boltann í burtu

Katrín reynir fyrirgjöf frá vinstri en Arna Sif mætir og skallar burt og Þór/KA bruna upp í skyndisókn

Margrét reynir sendingu út á vinstri kant en fær hann af Framkonu og reynir þá skot sem Ashley á auðvelt með

Erin tekin niður í miðjum D - boganum. Hildur Anna tekur og lætur vaða á markið. Ashley vel staðsett og grípur boltann. Vel gert.

Það er búið að vera frekar rólegt yfir leiknum. Lítið um færi en þeim mun meiri barátta á miðjunni. Liðunum hefur ekki tekist að komast almennilega í gegnum varnir andstæðinganna.

Fram kemst upp hægra megin en senda boltann aftur fyrir.

Hildur Anna sendir Erin í gegn en Emma er fljótari og nær að stöðva sendinguna rétt í þann mund sem Erin ætlaði að taka boltann með sér.

Ekkert varð úr aukaspyrnunni

Hendi dæmd á Þór/KA rétt utan vítateigs vinstra megin. Sara tekur en beint á Allie sem heldur boltanum.

Hulda Ósk vinnur horn. Hildur Anna tekur og Margrét nær að skalla en framhjá

Amalía kemst upp vinstra megin og á fína fyrirgjöf en engin er mætt til að skalla að marki.

Una fær boltann fyrir utan teig, fær nægan tíma til að leggja hann fyrir sig og á gott skot í hornið niðri nær. Allie ver boltann út til vinstri og hreinsað í innkast

Hulda Ósk fær boltann úti hægra megin og fer með boltann framhjá varnarmönnum uns hún er fyrir miðju marki. Lætur þá vaða en skotið laust og auðvarið af Ashley

Þór/KA bjargar smá klafsi í horn sem Una tekur og sendir boltann aftur fyrir mark

Þór/KA kemst upp hægra megin, brotið á Elizabeth en hagnaður látinn gilda og Hulda Ósk komst upp að endalínu en fyrirgjöfin beint á Alshley

Þór/KA fær horn frá hægri sem ekkert verður úr.

Fram fær aukaspyrnu rétt utan teigs vinstra megin. Una tekur og sendir boltann í átt að marki en Allie er vel með á nótunum, eins og Iðnaðarbankinn og ver.

Sara fær boltann við vítateig Þór/KA og á skot framhjá markinu.

Taylor fær boltann inni við markteig og nær að snúa en varnarmaður kemst fyrir skotið

Alda kemst upp vinstra megin en á háa sendingu fyrir sem Þór/KA skallar frá

Hildur Anna er send í gegn en naumlega rangstæð

Þór/KA spilar til norðurs. Fram sparkaði þessu af stað.

Arna Sif náði því fyrr í sumar að spila leik númer 300 fyrir Þór/KA í deild, bikar, lengjubikar og Evrópukeppnum. Af því tilefni mun Birgir Örn Reynisson, varaformaður stjórnar Þórs/KA, afhenda henni sérmerkta treyju.

Brookelynn Paige meiddist í upphitun, var eitthvað tæp fyrir. Í hennar stað kemur Júlía Margrét Ingadóttir

Bæði lið hafa skorað 18 mörk í deildinni og fengið á sig 25 (Þór/KA) og 27 (Fram) mörk þannig að búast má við jöfnum og spennandi leik.

Hjá Þór/KA eru þær Margrét Árnadóttir og Erin Flurey með fjögur mörk hvor.
Hjá Fram eru þær markahæstar Taylor Marie með 11 mörk og Alda Ólafs með 6 mörk.

Þór/KA gerir tvær breytingar á sínu liði eftir tap gegn Blikum. Emelía Blöndal Ásgeirsdóttir og Birgitta Rún Finnbogadóttir setjast á bekkinn og í þeirra stað byrja þær Erin Flurey og Hulda Ósk Jónsdóttir.

Fram gerir eina breytingu á sínu liði eftir sigur á Val. Kristín Magdalena Barboza fer á bekkinn og Katrín S. Vilhjálmsdóttir kemur í hennar stað.

Fram er í efri hluta bestu deildar eins og staðan er fyrir leik. Með sigri koma þær sér í góða fjarlægð frá neðstu þremur.

Þór/KA er í 8. og þriðja neðsta sæti og þurfa virkilega á sigri að halda til að þoka sér frá Val og Víking sem eru neðst. Um leið myndu þær auka verulega möguleikann á að spila í efri hlutanum stigi á eftir 6. sætinu.

Þór/KA hefur unnð Grindavík/Njarðvík og ÍBV en tapað fyrir Blikum og Stjörnunni í síðustu fjóru leikjum sínum.

Fram hefur unnið síðustu fjóra leiki, Breiðablik, Víking, Val og Þrótt og fengið þar 12 af sínum 16 stigum. Þær eru því á fljúgandi siglingu um þessar mundir.