Lokatölur hér á Pepsi vellinum 0-0. Leikurinn var ekki mikið fyrir augað en nokkur færi litu dagsins ljós.

Skýrsla væntanleg innan skamms.

Erin Flurey kemst í gott færi inn á teig Þróttar en Mollee er snögg út og ver frá henni

10 mínútur eftir af venjulegum leiktíma, fáum við sigurmark og spennadi lokamínútur?

Enn ein hornspyrna Þróttar, ná þær að nýta sér þessa? Nei er svarið.

Margrét Árnadóttir dettur ein í gegn og ætlar að fara framhjá Mollee í markinu en Mollee nær snertingu á boltann. Boltinn fer aftur í Margréti og afturfyrir.

Lang besta færi leiksins.

Lauren Lapomarda á skalla í slánna en hún var dæmd rangstæð, eru gestirnir að vakna?

Skemmtilegur sprettur hjá Björgu Gunnlaugsdóttur sem endar á skoti beint á Alessöndru.

Tíunda hornspyrna Þróttar og enn og aftur verjast Þór/KA þeim með prýði.

Hornspyrnan fyrir á Kate sem kemst góða skotstöðu. Kate tekur skotið en Þór/KA komast fyrir það og boltinn aftur fyrir.

Þróttur fær fyrsta horn seinni hálfleiks.

Þróttur meira með boltann hér í upphafi seinni hálfleiks en gera lítið með hann.

Rólegur fyrri hálfleikur að baki. Þróttur aðeins betri en Þór/KA hingað til.

Vonumst eftir meiri skemmtun og mörkum í seinnihálfleik.

Þróttarar eru með yfirhöndina þessa stundina og eru mun líklegri en Þór/KA til að skora.

Kate Cousins á skot fyrir utan teig sem Þór/KA komast fyrir, boltinn berst síðan á Kaylu sem á skot að marki en Alessandra er snögg út og ver þetta mjög vel.

Þróttur taka hornspyrnu fyrir sem ratar á Kate Cousins sem á skot að marki sem Alessandra sér seint en ver vel.

Lítið um að vera þessa eins og er. Leikurinn hefur verið rólegur hingað til, en ég trúi ekki öðru en að það muni færast fjör í leikinn.

Margét Árnadóttir tekur Kate Cousins niður á hættulegum stað.

Sæunn Björnsdóttir tekur spyrnuna, en hún er laus og Alessandra ver.

Fyrri hálfleikur er rúmlega hálfnaður, það hefur verið nokkuð rólegt yfir þessu og leiknum vantar eitt mark eða dauðafæri til að kveikja á þessu.

Kayla Rollins gerir vel að koma sér í gott skotfæri, skotið kemur en það er nokkuð þægilegt fyrir Alessöndru Augur í marki Þór/KA

Sigríður Thródóra fær boltann á fjærstönginni og setur boltann í hliðarnetið.

Heimakonur aðeins að vakna eftir rólega byrjun.

Aftur kemst Hulda í góða stöðu og nú inn á teig heimakvenna en Mist Funadóttir mætir á svæðið með frábæra tæklingu og stoppar sókn Þór/KA

Þróttur sækja sína fyrstu hornspyrnu í dag.

Allesandra Augur grípur spyrnuna þægilega.

Hulda Ósk komst í góða stöðu á hægri kantinum en tapar boltanum. Þróttarar vinna boltann en eru klaufalegar og gefa horn.

Smá hætta í hornspyrnunni en Mollee gerði vel að kýla boltann frá.

Rólegt yfir þessu fyrstu mínúturnar, liðin skiptast á að halda boltanum og leita leiða að marki andstæðingsins.

Frábært veður og frábærar aðstæður, góða skemmtun.

Liðin tvö rölta til vallar ásamt dómurum. Að sjálfsögðu eru allir í sínum uppáhalds fótboltatreyjum til stuðnings krabbameinsveikra barna. Fallegt framtak!

Jóhann Kristinn Gunnarsson og Jóhann Hilmar Hreiðarsson þjálfarar liðana tveggja gera hvorugir breytingar á sínum liðum.

Þróttur vann sterkan sigur á ÍBV í síðustu umferð og Þór/KA töpuðu1-0 fyrir Val.

Anna Björk Kristjánsdóttir, leikmaður KR, tók að sér það verkefni að spá í leiki umferðarinnar.

Þróttur R. 0 - 1 Þór/KA (16:00 í dag)
Hörkuleikur milli tveggja liða sem eru neðar en þau vilja vera í töflunni. Arna Sif er alltaf hættuleg í teignum og setur sigurmarkið eftir horn.

Liðin tvö mættust í 9. umferð deildarinnar á Akureyri fyrr í sumar. Þar vann Þór/KA 2-0 sigur á Þrótti með mörkum frá Maríu Dögg Jóhannesdóttur og Amalíu Árnadóttur.

Þór/KA sitja í 7. sæti Bestu deildar kvenna með 18 stig. Þremur stigum á eftir Þrótti sem eru eins og er í sæti um efri hlutann. Sömuleiðis er Þór/KA tveimur stigum frá fallsæti.

Sigur í dag myndi lyfta Þór/KA yfir Þrótt á markatölu og þá yrði Þór/KA í efri hlutanum og með það sæti í sínum höndum fyrir loka umferðina fyrir skiptingu.

Þróttur og Þór/KA gætu bæði endað í efri hlutanum ef úrslit Grindavík/Njarðvík í næstu tveim leikjum fara þeim í hag.

Í síðustu umferð fór Þór/KA í heimsókn á Hlíðarenda og töpuðu 1-0 fyrir Val.

Eins og staðan er í dag er Þróttur í 6. sæti Bestu deildar kvenna með 21 stig. Það eru tveir leikir eftir að hefðbundu móti fyrir skiptingu.

Vinni Þróttur í dag tryggja þær sér sæti í efri hlutanum.

Í síðustu umferð gerði Þróttur góða ferð til Vestmannaeyja og vann 2-1 sigur á ÍBV.

Dómari leiksins í dag er Ronnarong Wongmahadthai, honum til halds og traust eru Eysteinn Hrafnkelsson og Daníel Örn Arnarson. Fjórði dómari er Reynir Ingi Finnsson og eftirlitsmaður er Þorsteinn Ólafs.

Góðan daginn kæru lesendur og verið hjartanlega velkominn í þessa þráðbeinu textalýsingu á leik Þróttar R. og Þór/KA í 17. umferð Bestu deildar kvenna. Leikar hefjast á slaginu 16:00.