SKÝRSLAN: Rosaleg fallbarátta framundan eftir Völsungssigur
Hvað réði úrslitum?
Kænska Elfars Árna. Það var ekki mikið í kortunum þegar markmaður ÍR lagði frá sér boltann og Elfar læddist aftan að honum eins og minkur og stal boltanum og sendi á Parla sem skoraði.
Bestu leikmenn
1. Elvar Baldvinsson
Elvar var gríðarlega öflugur í dag. Skoraði jöfnunarmark Völsungs og var svo eins og klettur í vörn heimamanna. Hann og Albizuri hafa verið frábærir í Völsungsvörninni seinni hluta tímabilsins.
2. Arnar Pálmi Kristjánsson
Fyrirliðinn átti enn og aftur flottan leik og skilaði sínu og gott betur en það. Maðurinn er þindarlaus og hleypur endalaust.
Atvikið
Aftur er það mistök Vilhelms. Maður sér þetta ekki oft.
Hvað þýða úrslitin?
Fallbaráttan er sprelllifandi! Völsungur er með 23 stig, Grindavík 24 og ÍR 25 fyrir lokaumferðina. ÍR á svakalegan grannaslag gegn Leikni fyrir höndum, Grindavík fer til Þorlákshafnar og Völsungur á Seltjarnarnes. Rosaleg umferð framundan.
Vondur dagur
Vilhelm markvörður ÍR gerði skelfileg mistök í öðru marki Völsungs sem að lagði í raun grunninn að sigri Völsungs.
Dómarinn - 6
Nenni ekki að spá of mikið í dómaranum.