SKÝRSLAN: Martraðar lok á fyrri hálfleik beit ekki á Selfyssinga
Hvað réði úrslitum?
Frammistaða Selfossar og bara meiri vilji. Bæði mörkin eru flott og svo eru menn að henda sér fyrir allt og alla í seinni hálfleiks lág blokk.
Bestu leikmenn
1. Brynjar Bergsson
Skorar bæði mörk Selfoss og gerir virkilega vel í báðum, fullkominn staðsetning og þægilega kláraðir boltar. Auðveldlega maður leiksins.
2. Rökkvi Rafn Agnesarson
Kemur í markið og fær strax mark á sig uppúr góðri aukaspyrnu. En stendur síðan vaktina vel í seinni hálfleik. Erfiðar aðstæður en hann "deliverar" og skilar nauðsynlegu verkefni vel.
Atvikið
Rauða spjaldið og markið beint frá því. Það hefur eflaust alveg farið um marga Selfyssinga. Þetta er akkúrat endir á hálfleik sem maður vill ekki sjá. Á öðrum degi, stað og stund. Fer svona hlutur algjörlega með leikinn, en hrós á Selfoss sem létu þetta ekki skemma neitt fyrir sér.
Hvað þýða úrslitin?
Selfoss mun leika í Lengjudeildinni á næsta tímabili. Fara upp á 45stigum sem er tveimur minna en Haukar sem unnu deildina. KFG hinsvegar fellur í 3.deild. Liðið endaði með 22stig sem er einu minna en Þróttur Vogum sem héldu sér naumlega uppi.
Vondur dagur
Sóknarleikur KFG fær þetta í dag. Á móti er ég ekkert að taka af varnarleik Selfoss liðsins. Það voru hinsvegar lítil gæði í sóknar aðgerðum KFG sem spiluðu seinni hálfleik einum manni fleirri. Illa nýtt tækifæri hjá þeim í dag og það skilar falli fyrir félagið.
Dómarinn - 7
Það er enginn að mótmæla þessu rauða spjaldi á Sabatti í markinu. Twana bara með fínustu tök á leiknum.