SKÝRSLAN: Valsmenn stálu stigi í uppbótartíma
Hvað réði úrslitum?
Færanýting ÍBV var ekki góð í þessum leik. Einbeitingarleysi í lok leiks tapaði einnig tveimur dýrmætum stigum fyrir ÍBV í fallbaráttunni.
Bestu leikmenn
1. Mathias Edeland
Var nokkuð solid í vörninni mest allan leikinn og skorar stórgott mark sem kemur ÍBV yfir.
2. Kristófer Dagur Arnarsson
Skorar sitt fyrsta mark í Bestu deildinni og bjargar stigi fyrir Valsmenn á lokamínútunni.
Atvikið
Víti eða ekki víti og gult spjald eða ekki gult spjald? Róbert Elís fellur inn í teig Valsmanna eftir samstuð. Einhverjir vilja meina að þetta hefði átt að vera víti og gult spjald fyrir dýfu frekar strangur dómur. Svo má auðvitað líka nefna færin sem Róbert Elís og félagar fóru illa með.
Hvað þýða úrslitin?
ÍBV er áfram á botninum og eru með 19 stig. Það stefnir allt í þriggja liða baráttu um fallið mlli KA, Þórs og ÍBV. ÍBV á eftir að fara tvisvar norður og mæta þessum liðum. Valsmenn sigla lygnan sjó á toppnum í neðri hlutanum með 31 stig.
Vondur dagur
Róbert Elís Hlynsson átti ekki góðan dag fyrir framan markið. Duglegur að koma sér í færi að sjálfsögðu en það þarf að klára þau.
Dómarinn - 7
Einn okkar besti dómari ÞÞÞ. Átti fínan leik, spurning með vítaspyrnuna og gula spjaldið en annars flott frammistaða.