Frábær sigur hjá FH-ingum og þeir eru í góðum málum núna. Fyrir Stjörnumenn var þessi leikur bara eins og sumarið þeirra: Vonbrigði.

FH-ingar hafa náð að róa leikinn niður og þetta lítur vel út hjá þeim. Jökull Andrésson tekur markspyrnu þegar fimm mínútur eru eftir af venjulegum leiktíma.

Örvar Eggerts með langt innkast sem FH-ingar skalla frá. Boltinn berst út á Jóhann Árna en skot hans fer fram hjá markinu.

Arnór Borg með flotta takta og er við það að komast í gegn en missir boltann og langt frá sér.

Benedikt Warén sér þrennuna í hyllingum þegar hann fær boltann á teignum en þrír FH-ingar henda sér fyrir skot hans!

Jói Bjarna með skemmtilega takta en nær ekki að koma skoti á markið.

Ísak Óli skallar hornspyrnuna frá. Stjörnumenn reyna að koma boltanum aftur inn á teiginn, en það gengur ekki.

Jökull í smá veseni í marki FH en nær að bjarga sér fyrir horn. Stjarnan fær hornspyrnu. Annað mark fljótlega og það verða alvöru læti.

Ég var að horfa á atvikið aftur áðan þegar Tómas Orri sparkaði frá sér. Mjög heppinn að hafa ekki fengið spjald, jafnvel bara rautt spjald.

Fellur í jörðina og sparkar frá sér. Ég hef alveg séð rautt fyrir svona en hann fær ekki einu sinni gult.

Það verður mjög áhugavert að sjá hvernig þessi síðasti hálftími þróast núna.

Ég held að rangstaðan áðan hafi verið réttur dómur.

en flaggið fer á loft. Aðstoðardómarinn var alls ekki viss en lyfti flagginu að lokum. Ég veit ekki hvort þetta hafi verið rétt. Ef Stjarnan hefði skorað aftur núna, þá hefði færst mikið stress í FH-inga.

Stuðningsmenn FH henda í víkingaklappið.

Gils kominn í fína stöðu og sendir fyrir, en sendingin ekki nógu góð. Sindri setur boltann aftur fyrir endamörk.

Það eru 407 áhorfendur hér í Kaplakrika í dag.

Var að heyra það að Kristján Flóki hefði misst tönn í fyrri hálfleiknum. Lítið skemmtilegt.

Adolf Daði með skot sem er beint á Árna Snæ í markinu.

Þetta var klárlega algjör draumabyrjun fyrir Stjörnuna á seinni hálfleiknum. Lifnaði aðeins við þeim við þetta mark.

Með því að gerast áskrifandi hjá Fótbolta.net þá geturðu séð ítarlega tölfræði úr leikjunum. Hún er áhugaverð tölfræðin úr þessum leik.

Smelltu hér til að gerast áskrifandi.

Ótrúlegur fyrri hálfleikur að baki. FH-ingar gjörsamlega búnir að rústa Stjörnumönnum.

Kristján Flóki ekki langt frá því að bæta við fimmta markinu en Árni Snær nær að bjarga.

Kjartan Kári með skot í innanverða stöngina. Aftur voru stuðningsmenn FH byrjaðir að fagna. Hann var gríðarlega nálægt þrennunni þarna.

Adolf Daði er núna í treyju númer 16. Væntanlega fengið blóð í hina treyjuna sína.

Leikmenn úr báðum liðum liggja eftir á teignum og leikurinn er stopp.

Smá vesen hjá FH-ingum eftir aukaspyrnu Stjörnunnar. Birnir Snær í skotfæri en enn eina ferðina kemst varnarmaður FH fyrir.

Adolf Daði liggur eftir að hafa fengið högg. Þarf aðhlynningu.

Gisl Gíslason veður upp hægra megin og á skot sem fer í hliðarnetið. Einhverjir stuðningsmenn FH sáu þetta inni og byrjuðu að fagna marki.

En aftur á móti, gríðarlega flottur leikur hjá FH. Það er svakalegur hugur í þeim inn á vellinum.

Þessi frammistaða hjá Stjörnunni, úfff...

Kjartan Kári með stórkostlegan undirbúning og Adolf Daði er tekinn niður í teignum. Varnarleikur Stjörnunnar er vandræðalegur.

Það er mikið stress í varnarleik Stjörnunnar. Adolf Daði pressar og er nálægt því að búa til mikla hættu.

Stjarnan í flottri sókn en boltinn berst að lokum út til Guðmundar Baldvins sem er í fínu skotfæri fyrir utan teig, en FH-ingar sér fyrir skotið.

Það er mikil stemning í Kaplakrika og það er að smita frá sér inn á völlinn. Leikmenn eru að gefa líf og sál í þetta, eru að henda sér fyrir allt og eru svo klínískir fram á við.

Stjörnumenn tóku smá liðsfund út á velli eftir þetta mark.

Eftir hornspyrnuna myndast smá darraðadans sem endar með því að Gustav Kjeldsen fær dauðafæri til að jafna en Jóhannes Kristinn hendir sér fyrir skotið. Kjeldsen lemur í jörðina á meðan Ísak Óli fagnar þessu eins og marki.

Stjarnan fær horn. Daníel Finns röltir út að hornfána.

Enn ein hornspyrnan hjá Stjörnunni. FH skallar frá. Daníel Finns kemur honum aftur inn á teiginn, en Jökull gerir vel í að grípa.

Stjörnumenn spila sig hér í gegnum vörn FH-inga. Örvar Eggertsson er kominn í stórgott færi til að skora en hann horfir til hliðar og ætlar að leggja hann fyrir Birni, en sendingin er ekki nógu góð. Þarna hefði Örvar bara átt að skjóta.

Tómas Orri í fínu skotfæri fyrir utan teig en setur boltann langt fram hjá markinu. Þarna hefði hann klárlega getað gert betur.

Guðmundur Baldvin alltof seinn í tæklingu á sínum gamla liðsfélaga, Adolf Daða, og er heppinn að sleppa við gult spjald.

Daníel Finns með hornspyrnuna inn á teignn en Ísak Óli skallar boltann frá markinu.

Stjörnumenn með hættulegan bolta fyrir sem Jökull nær að kýla aftur fyrir endamörk. Horn sem Stjarnan fær.

Snögg sókn hjá Stjörnunni og Birnir Snær mundar skotfótinn rétt fyrir utan vítateig, en lítil sannfæring í skotinu og Birkir Valur nær að koma sér fyrir það.

Örvar Eggertsson nær að vera fyrstur á boltann en skallar hann yfir markið.

Núna fær Stjarnan hornspyrnu.

FH fær svo hornspyrnu sem Kristján Kári tekur stutt en smá misskilningur á milli manna.

Gilsarinn fær boltann úti hægra megin, fer illa með Daníel Finns og á stórhættulega fyrirgjöf sem Kristján Flóki rétt missir af. FH-ingar nálægt því að taka forystuna eftir örfáar sekúndur.

Þetta er farið af stað!

Núna eru bæði lið að ganga inn á völlinn og það styttist í að flautað verði til leiks hér í Kaplakrika.

FH gerir eina breytingu frá sigurleiknum gegn KA. Erlingur Agnarsson er ekki með í dag og kemur Kristján Flóki Finnbogason inn í byrjunarliðið.

Stjarnan gerir líka eina breytingu þar sem Ari Leifsson kemur inn í liðið fyrir Guðmund Kristjánsson.

12. Árni Snær Ólafsson (m)
3. Gustav Kjeldsen
7. Örvar Eggertsson
10. Daníel Finns Matthíasson
11. Birnir Snær Ingason
14. Bjarki Hauksson
18. Guðmundur Baldvin Nökkvason
19. Ari Leifsson
22. Emil Atlason (f)
23. Benedikt V. Warén
29. Alex Þór Hauksson

1. Jökull Andrésson (m)
2. Birkir Valur Jónsson
5. Oliver Stefánsson
7. Kjartan Kári Halldórsson
9. Kristján Flóki Finnbogason
14. Adolf Daði Birgisson
17. Jóhannes Kristinn Bjarnason
22. Ísak Óli Ólafsson (f)
23. Tómas Orri Róbertsson
32. Gils Gíslason
37. Baldur Kári Helgason

Þessi lið mættust fyrst í annarri umferð í Garðabænum þar sem fimm mörk voru skoruð í 3-2 sigri Stjörnunnar. Birnir Snær Ingason kom Stjörnunni yfir en FH svaraði með tveimur mörkum, Kjartan Kári Halldórsson jafnaði fyrir hlé og Tómas Orri Róbertsson kom þeim yfir. En Guðmundur Baldvin Nökkvason og Andri Rúnar Bjarnason svöruðu fyrir Stjörnuna.

Í Kaplakrika var niðurstaðan 2-2 jafntefli. Adolf Daði Birgisson kom FH yfir gegn sínum gömlu félögum en Sindri Þór Ingimarsson og Örvar Eggertsson komu Stjörnumönnum yfir. Ísak Óli Ólafsson jafnaði hins vegar metin fyrir FH og þar við sat.


Fáum við annan markaleik hér í dag?

Það var rosalegur gærdagur í Bestu deildinni þar sem Víkingur innsiglaði meistaratitilinn á Meistaravöllum og KA fór illa með Þór. Fjallað var um leikina í Innkastinu og þá er einnig hægt að sjá það helsta úr þeim hér að neðan.

Hinrik Harðarson, leikmaður Egersund í Noregi, spáir í leikina í þessari annari umferð eftir skiptingu. Um leik FH og Stjörnunnar sagði hann:

FH 2 - 0 Stjarnan
Stjarnan hefur átt í erfiðleikum í Krikanum eftir leikinn 2014. 2-0 fyrir FH, hreint lak hjá frænda í markinu. Oliver skorar fyrra mark FH.

Vilhjálmur Alvar Þórarinsson er aðaldómari í Kaplakrika í dag. Gylfi Már Sigurðsson og Jovan Subic eru aðstoðardómarar. Aðalbjörn Heiðar Þorsteinsson er fjórði dómari og Hjalti Þór Halldórsson er eftirlitsmaður KSÍ í þessum leik.

Þetta hefur verið skrautlegt tímabil fyrir Stjörnuna. Það voru miklar væntingar áður en tímabilið hófst, væntingar um titilbaráttu en allt annað hefur komið á daginn. Stjarnan hefur rekið tvo þjálfara í sumar og er fyrir leik dagsins í efsta sæti neðri hlutans.



Stjörnumenn, sem eru með þrjá þjálfara þessa stundina, stefna eflaust á að klára deildina í efsta sæti neðri hlutans - þeir eru með einu stigi meira en Valur - en sama hvernig fer þá verður þetta vonbrigðasumar fyrir Garðbæinga.

Eftir erfitt gengi framan af tímabili, þá hefur FH harkað inn fleiri stig eftir því sem liðið hefur á tímabilið. Varnarleikur liðsins hefur orðið sterkari og Jökull Andrésson hefur átt mjög gott tímabil í markinu.



FH er fyrir þennan leik þremur stigum frá fallsæti en með sigri í dag getur liðið farið langleiðina með að halda sér uppi í Bestu deildinni. Tapi FH hins vegar í dag og ÍBV vinnur Val á sama tíma, þá opnast fallbaráttan enn frekar upp á gátt.

Verið velkomnir kæru lesendur í beina textalýsingu frá leik FH og Stjörnunnar í Bestu deild karla.

Flautað verður til leiks í Kaplakrika klukkan 16:00.


sunnudagur 20. september

Besta karla - Efri hluti
16:00 Keflavík-Fram (HS Orku völlurinn)
16:00 ÍA-Breiðablik (ELKEM völlurinn)

Besta karla - Neðri hluti
16:00 ÍBV-Valur (Hásteinsvöllur)
16:00 FH-Stjarnan (Kaplakrikavöllur)