Komið sæl og blessuð og verið velkominn á leik Grindavíkur og Fram í næst síðasta leik sumarsins.

Það er hægt að segja að þetta sé leikur uppá líf og dauða því held ég því fram að það lið sem að vinnur þennan leik heldur sér uppi í Pepsi deildinni að ári.

Bæði lið eru að hita upp. Maður sá hérna áður en að leikmenn fóru að hita upp að þjálfarar beggja liða voru að líta á aðstæður og ræða sín á milli.

Haukur Ingi Guðnason er í fyrsta skiptið í byrjunarliðinu hjá Grindavík frá því að hann kom til liðs við þá í sumar.

Leikmenn eru farnir inní klefa og fer að styttast í rosalegan slag milli þessa liða.

Fólk er farið að flykkjast inná völlinn og lýtur nú út fyrir að það sé verið að fara nýta þessu frábæru stúku sem er hér í Grindavík.

Liðin eru að labba á völlinn og það er alvöru stemmning hjá stuðningsmönnum Grindavíkur.

Leikurinn er hafinn og eru það Framarar sem að byrja með boltann.

Baráttukveðjur frá Thorbergi Einarssyni Rokklingi beint frá Vopnafirði um von að Grindavík taki þetta.

Lítið að gerast í augnablikinu en heimamenn eru meira með boltann.

Daði Guðmundsson tók aukaspyrnu rétt fyrir utan vítateig en boltinn fór yfir

Jóhann Helgason átti flott skot fyrir utan teig en Ögmundur Kristinsson varði vel en missti boltann aðeins frá sér en náði honum aftur.

Framarar voru næstum búnir að bæta við öðru marki þegar að Samuel Hewson skallaði boltann eftir aukaspyrnu en Óskar Pétursson varði meistaralega í markinu.

Alecander Magnússon var kominn í gott færi en Framarar náðu að hreinsa í horn. Það var mikið klafs inní teig eftir hornspyrnuna en Ólafur Örn Bjarnason skaut en Ögmundur greip boltann.

Alexander Magnússon var með skot hægra meginn inní vítateig en boltinn fór í hliðarnetið. Stuttu síðar átti Scott Ramsay skot rétt fyrir utan vítateig en Ögmundur varði.

Alexander Magnússon átti flotta fyrirgjöf sem að Magnús Björgvinsson skallaði en virðist hafa farið í varnarmann og í horn sem að ekkert varð úr.

Það er kominn hálfleikur hér í Grindavík

Síðari hálfleikur er hafinn og eru það heimamenn sem að byrja með boltann og eru með vindinn í bakið.

Orri Gunnarsson hefur eitthvað slasast og er borin útaf og er verið að hliðra að honum fyrir aftan mark Framara.

Óli Baldur Bjarnason með skalla sem leit út fyrir að hann væri á leið í samskeytin en Ögmundur Kristinsson varði glæsilega í horn sem ekkert varð úr.

Einhver töf eru á leiknum þar sem að Ögmundur virðist hafa fengið högg á höfuðið og er verið að hliðra að honum og akkurat í þessu kom þessi svakalega rigning með og eru leikmenn að hlaupa um völlinn til þess að halda sér hita.

Orri Freyr Hjaltalín með sendingu inní teig boltinn lenti í blautu grasinu og þeyttist áfram og boltinn fór rétt framhjá. Andri Júlíusson átti skot þá hinu megin en fór rétt framhjá. Jósef Kristinn Jósefsson var sloppinn í gegn en Ögmundur Kristinsson lokaði vel á hann og varði.

Óskar Pétursson er búinn að verja svakaleg tvívegis og þá er ég að tala um að hann sé búinn að loka markinu. Andri Júlíusson var kominnn einn á móti Óskari en hann varði glæsilega svo átti Samuel Tillen skot en Óskar varði aftur glæsilega.

Jamie McCunnie var átti fínt skot langt utan af velli en beint á Ögmund í markinu.

Steven Lennon átti flotta fyrirgjöf inn í teig sem að Andri Júlíusson skaut rétt yfir.

Leik lokið hér í Grindavík þar sem að Framarar eru komnir uppúr fallsætinu. Umfjöllun og viðtöl koma síðar í kvöld. Takk fyrir í kvöld.