Góðan daginn kæru lesendur. Hér verður bein textalýsing frá leik Víkings og Keflavíkur í Pepsi deild karla. Búast má við góðum leik þar sem Keflvíkingar eru enn í fallbaráttu en með sigri tryggja þeir veru sína í efstu deild að ári. Víkingar unnu góðan útisigur á Íslandsmeisturum Breiðabliks í síðustu umferð og það verður spennandi að sjá hvort þeir nái að fylgja þeirri frammistöðu eftir í dag.

Keflvíkingar fengur KR-inga í heimsókn á fimmtudaginn og það verður fróðlegt að sjá hvort sá leikur sitji enn í gestunum enda aðeins tveir dagar í hvíld á milli.

Björgólfur Takefusa fór á kostum á Kópavogsvelli í síðustu umferð þar sem hann skoraði þrennu. Það er vonandi fyrir heimamenn að hann endurtaki leikinn í dag enda síðasti heimaleikur liðsins í efstu deild í bili.

Liðin eru nú að ganga til vallar. Það eru ekki margir áhorfendur á vellinum til að sjá Víkinga spila sinn síðasta heimaleik í efstu deild í bili að minnsta kosti. Sömuleiðis eru ekki margir áhorfendur mættir frá Keflavík.

Leikurinn er hafinn og það eru Keflvíkingar sem byrja með boltann.

Fyrsta færi leiksins hefur litið dagsins ljós og hefði það vel getað endað með marki. Hörður Sigurjón Bjarnason fékk þá fyrirgjöf frá hægri en góður varnarleikur var þess valdur að hann náði ekki nógu góðu skoti að marki og boltinn yfir.

Keflvíkingar eru aðgangsharðir þessa stundina að marki Víkinga og hafa fengið nokkur hálffæri á skömmum tíma.

Þessi leikur fer mjög skemmtilega af stað. Hörður Sigurjón Bjarnason kemst upp vinstri kantinn og á skot að marki en boltinn rétt framhjá.

Víkingar eru að spila fantabolta þessa stundina og fá aukaspyrnu hér rétt fyrir utan teig.

Andri Steinn Birgisson á hörkuskot að marki en boltinn rétt yfir. Þetta er gífurlega líflegur leikur hérna á upphafsmínútunum.

Aron Elís Þrándarsson fékk boltann einn og óvaldaður á vítateigslínunni en bregst bogalistin og skot hans gjörsamlega afleitt. Þetta var dauðafæri.

Guðmundur Steinarsson á hörkuskot að marki sem Magnús Þormar gerir vel í að verja.

Mark Rutgers á skot að marki eftir hornspyrnu en boltinn rétt framhjá. Liðin skiptast hér á að sækja og er þetta gífurlega opinn leikur.

Keflvíkingar skora mark en rangstæða dæmd. Líklega réttur dómur því gestirnir mótmæla lítið.

Frans Elvarsson fær boltann eftir hornspyrnu á vítateig Víkingsmanna en er of lengi að athafna sig og Mark Rutgers kemst fyrir skotið. Það er verið að flytja Einar Orrra, sem fór meiddur útaf áðan, með sjúkrabíl af svæðinu.

Brynjar Örn Guðmundsson fær frían skalla á fjærstöng eftir hornspyrnu en skallinn afleitur og Víkingar hreinsa.

Jóhann Birnir Guðmundsson á skalla í slána eftir frábæra fyrirgjöf frá Guðmundir Steinarssyni. Þarna skall hurð nærri hælum fyrir Víkinga. Dómari leiksins flautar síðan í kjölfarið til hálfleiks.

Síðari hálfleikur er hafinn og það er Víkingar sem byrja með boltann og sækja að íþróttahúsinu.

Síðari hálfleikurinn fer rólega af stað en Aron Elís Þrándarson sem er búinn að vera mjög sprækur á skot sem Ómar Jóhannson ver nokkuð örugglega.

Það er ekkert að gerast hérna fyrstu 10 mínútur síðari hálfleiks. Vonandi færist aftur líf í leikinn eins og var í þeim fyrri.

Það er ekkert að gerast hérna fyrstu 10 mínútur síðari hálfleiks. Vonandi færist aftur líf í leikinn eins og var í þeim fyrri.

Jóhann Birnir Guðmundsson á skot rétt framhjá marki.

Magnús Þórir Matthíasson á skot rétt framhjá marki. Þarna voru gestirnir nálægt því að skora.

Keflvíkingar fá hornspyrnu og Guðmundur Steinarsson sendir fastan bolta með jörðinni á Magnús Þórir Matthíasson sem skýtur rétt yfir af vítateigslínunni.

Keflvíkingar sækja núna mjög hart að Víkingum og freista þess að jafna leikinn.

Við erum komin í uppbótartíma hér og Keflvíkingar fá hornspyrnu.

Leik lokið hér í Víkinni. Víkingar sigra annan leik sinn í röð og draga Keflvíkinga niður í bullandi fallbaráttu fyrir lokaumferðina.