Góðann daginn kæru lesendur og velkomnir í beina textalýsingu héðan af Þórsvellinum, það er fallegt fóboltaveður í boði í dag og auðvitað vonumst við eftir því að leikurinn verði í takt við það.

Það verður að teljast nokkuð sérstakt að í þessum fallbaráttuslag hér í dag eigast við nýliðar og ríkjandi Íslandsmeistarar en þetta er einfaldlega raunveruleikinn. Sigur í leiknum hér í dag tryggir aftur á móti veru í efstu deild á næsta ári þannig að nóg er undir hér í dag, vægast sagt.

Ingvar Kale er mættur aftur í markið hjá Blikum og Olgeir byrjar í dag en hjá Þórsurum fagna heimamenn endurkomu Atla Sigurjóns á mðijuna.

Tvær mínútur í leik gott fólk, dramatíska tónlistin komin í loftið hér á vellinum og spennan magnast.

Þorvaldur Árnason hefur flautað til leiks.

Liðin skiptast á að sækja, þetta er alvöru leikur hér í upphafi og það kæmi manni stórkostlega á óvart ef þetta verður eina mark leiksins hér í dag.

Sveinn Elías kemst upp hægri vænginn og er í topp stoðu til að koma boltanum fyrir á Jóhann Helga en sendingin er léleg og fer aftur fyrir mark Breiðabliks. Vörn Blika er í allskonar vandræðum hér í upphafi leiks

Kristinn Steindórsson á hér fyrsta skot Blika í leiknnum rétt fyrir utan teig, Rajkovic á ekki í neinum erfiðleikum með þetta skot enda laust.

nú er komið að Guðmundi Kristjáns en hann vinnur boltann af dugnaði rétt við miðjuna og tekur á sprett sem endar með lausu skoti sem rúllar vel framhjá marki Þórs.

Allt verður vitlaust! Kári Ársælsson fyrirliði Blika var ekki sáttur með það hversu ágengur Ingi Freyr var við Ingvar Kale í marki Blika og hljóp hann niður, hann er ekki alveg vinsælasti maðurinn á vellinum eins og er og var heppinn að sleppa þarna án þess að fá spjald en dómari leiksins sá ekki brotið og dæmdi því ekkert.

Aftur er vörn Blika í vandræðum sem endar á því að Olgeir gerist brotlegur rétt fyrir utan vinstra horn vítateigs þeirra. Clark Keltie mætir á svæðið og á gott skot sem fer rétt yfir mark Blika.

Rétt í þessu var verið að dæma rangstöðu úr innkasti... í hvaða reglubók fann línuvörðurinn þessa reglu?

Gríðarlegur pirringur í gangi hér á Þórsvellinum og mikið um brot, Þorvaldur Árnason verður að fara að róa menn niður áður en allt fer í rugl hérna... dramatík!

1137 áhorfendur mættir hér í dag samkvæmt nýjustu tölum

Blikarnir eru að lifna við og eru búnir að halda boltanum vel innan liðsins og ná góðu spili og m.a. fengið þrjár hornspyrnur á nokkuð stuttum tíma, pressan að aukast á vörn Þórs

Jóhann Helgi á skalla rétt framhjá marki Breiðabliks eftir laglega sendingu frá Þorsteini fyrirliða Þórs

Kristinn Steindórsson með flott skot rétt fyrir utan vítateig Þórs en Rajkovic með sannkallaða sjónvarpsmarkvörslu... þetta er alvöru leikur!

Halló! Kristinn Steindórs á aftur skot en í þetta sinn smellur boltinn í stöng og þaðan beint í fangið á Rajkovic sem stóð og horfði á enda átti hann aldrei séns í að verja þetta. Blikarnir eru heldur betur búnir að bæta leik sinn og núna er það vörn Þórs sem er í bullandi vandræðum.

Atli Sigurjónsson hefur látið lítið fyrir sér fara hingað til en tekur nú á sprett framhjá tveimur miðjumönnum Breiðabliks og á svo gott skot af löngu færi sem Ingvar ver í horn.

Fyrri hálfleik lokið og þessum líka rosalega hálfleik, svona eiga fótboltaleikir að vera!

Seinni hálfleikur er hafinn hér á Þórsvellinum eftir tvöfalda skiptingu Þórsara. Vonandi verður þessi seinni hálfleikur eitthvað í takt við þann fyrri sem var virkilega hress vægast sagt.

Ingi Freyr á sprett upp vinstri vænginn og kemur boltanum fyrir þar sem Sveinn Elías skallar að marki en Ingvar Kale er með þetta allt á hreinu í marki Breiðabliks og ver örugglega.

Srdjan Rajkovic aftur með tilþrif í markinu, í þetta sinn eftir aukaspyrnu Blika rétt fyrir utan vítateig en ég verð að viðurkenna að ég sá ekki hver tók spyrnuna.

Lítið merkilegt að gerast síðustu mínútur enda eiga liðin erfitt með að ná upp spili. Blikarnir verðskuldað yfir, eftir erfiða byrjun hafa þeir unnið sig vel inn í leikinn.

David Disztl dettur í teignum og einhverjir vilja víti, menn fá nú seint víti fyrir það að hitta ekki boltann og sparka í varnarmenn.

Leik lokið og Blikar fagna gríðarlega enda þungu fargi af þeim létt og sætið í efstu deild sumarið 2012 komið í hús.