Fótbolti.net

Jón Óli: Þurfum að finna einhvern til að nudda á henni rassgatið

Alli Jói: Markmiðið er að berjast um hærra á töflunni

Linta hefur ekki áhyggjur - „Ekki í mínum höndum"

Valdimar færði KA ró - „Hefði viljað sjá okkur vera aðeins stærri"

Grímsi ósáttur með spilamennskuna - „Ætlum að halda okkur í topp sex"

Óskar Smári: Súrt tap og eigum hálfklárað verkefni fyrir norðan

Guðni eftir útisigur: „Algjört skólabókadæmi um að nýta breidd“

Guðný: Held það hafi enginn gert ráð fyrir þessu

Venni: Þurfum að hreiðra um okkur á toppnum

Elfar Árni: Viljum ekki hafa einhvern sem vill ekki vera hérna

Gunnar Heiðar talar um barnaleg mistök - „Verðum að gera betur í meistaraflokki"

Badu fann fyrir létti - „Ég á ekki að bregðast svona við"

Nenad: Er kominn með afsökun til að bekkja allt liðið

Gísli Eyjólfs: Við þurfum að fara vakna

Frábær frammistaða Keflvíkinga - „Hann er gríðarlega mikilvægur fyrir okkur"

Heimir óánægður með viðbrögð síns liðs: Fannst við aldrei reyna

Davíð Smári: Einhver tappi losnaði

Lárus Orri: Ekki eitthvað eitt sem hægt er að horfa í hvað það varðar

Hemmi svekktur: Stóru ákvarðanirnar allar á móti okkur í dag

Jói Kalli: Hörkugæði og hraði í þessum strák

mán 02. október 2023 22:24

Sæbjörn Þór Þórbergsson Steinke
Óðinsvéum

Sjóðheitur Andri Lucas: Þarf að fara yfir það með fjölskyldu og umboðsmanni

Hvort verður Andri í A-landsliðinu eða U21 í næsta verkefni?

Mynd: Fótbolti.net - Hafliði Breiðfjörð

„Tilfinningin var helvíti góð, þetta var erfiður leikur, ekki sá fallegasti, en ótrúlega góð tilfinning að geta tekið þrjú stig héðan," sagði Andri Lucas Guðjohnsen, leikmaður Lyngby, eftir sigur liðsins gegn OB í dönsku Superliga í kvöld.

Andri skoraði seinna mark Lyngby í leiknum en hetja liðsins var þó Mads Kikkenborg í markinu.

„Hann var ótrúlega góður, 2-3 dauðafæri þar sem maður var nánast búinn að sætta sig við að þeir væru búnir að skora. Hann stóð sig bara frábærlega, það er mikið honum að þakka að við höfum náð að vinna í dag."

Andri hefur skorað í fimm leikjum í röð ef horft er í U21 landsliðið með og alls sjö mörk í síðustu sjö leikjum. Líður honum bara þannig að hann sé alltaf að fara skora þegar hann stígur inn á fótboltavöll?

„Nei, ekkert endilega. Ég tek bara eitt skref í einu, komum hingað til að taka þrjú stig og að geta skorað er bara bónus. Auðvitað þegar við komum okkur í skyndisókn, eins og við gerum svo ótrúlega vel hérna í Lyngby, þá reyni ég alltaf að vera klár inni í teig."

Er bara allt inni þessa dagana, líka á æfingasvæðinu?

„Já, pínu, maður er kannski ekki að svekkja sig jafnmikið þegar maður klúðrar. Það er frábært að fá sjálfstraust og skora. Það gengur bara vel."

Freyr Alexandersson, þjálfari Lyngby, sagði í viðtali í síðustu viku að Lyngby væri að vinna í því að kaupa Andra frá Norrköping en hann er hjá danska félaginu á láni frá því sænska.

„Það eru góðar fréttir þannig séð, og geggjað að þeir vilji halda í mig. Mér líður náttúrulega frábærlega hérna, frábær klúbbur. Þetta er eitthvað sem ég þarf að fara yfir með fjölskyldu og umboðsmanni."

Eru síðustu vikur þær bestu á atvinnumannaferlinum?

„Já, ábyggilega, nema kannski þegar maður skoraði fyrstu mörkin með landsliðinu. Það var líka helvíti gaman. Þetta er frábært."

Andri kom boltanum í netið í stöðunni 0-0 en markið var dæmt af.

„Ég hélt allavega að ég væri búinn að skora í fyrri hálfleik, markmaðurinn kemur með svolítið lélega sendingu og við komum okkur í dauðafæri. Ég næ að skora, en því miður var Tochi (Chukwuani) kominn fyrir framan markmanninn og var rangstæður."

„Nei nei, ég var bara hissa. Ég hélt ég væri búinn að skora en dómarinn dæmdi rangstöðu. Ég var ekkert fúll út í hann, bara upp með hausinn og það var nóg eftir. Við unnum og ég skoraði, þannig ég get ekki verið eitthvað mikið pirraður."

Tochi átti sendinguna, ef sendingu skal kalla, í marki Andra í seinni hálfleik.

„Ég hugsa að þetta hafi átt að fara á markið hjá honum, en ég var bara réttur maður á réttum stað og næ að skora," sagði Andri.

Í viðtalinu var hann spurður út í hvort hann byggist við kallinu í A-landsliðið. Landsliðshópurinn verður opinberaður á miðvikudag.