Fótbolti.net

Vann kapphlaupið við tímann - „Búin að leggja ógeðslega mikið á mig"

Gætu ekki beðið um betra umhverfi - „Sagði við Hafrúnu að núna væri þetta að gerast"

Eru fjórar hjá sama félaginu - „Er heppin með það"

Karólína Lea gefur ekkert upp þrátt fyrir háværar sögur

Maggi Már: Mér fannst við vera betri

Óskar Hrafn: Vonaði að það væri undantekningin sem sannaði regluna

Sölvi um Óskar Borgþórs: Bara "no comment"

Nikolaj Hansen: Ég er framherji og vil skora mörk

Heimir Guðjóns: Eigum ekki að fá á okkur mörk úr föstum leikatriðum

Morten Ohlsen eftir tap Vestra: Okkur var refsað

Gísli Laxdal: Ég potaði honum inn hundrað prósent

Viktor varð ekki stressaður: Kennie stendur fyrir sínu

Lárus Orri: Áttum okkur á því að þetta er bara einn sigur

Láki: Þurfum að hafa meira fyrir því að skora mörk

Rúnar Kristins: Það bjargaði okkur alveg

Aðstaðan kom Caulker skemmtilega á óvart - „Frábær vettvangur til að læra, þróa minn feril og hjálpa liðinu“

Frá Ólafsvík á EM - „Maður er í þeim forréttindahópi"

Draumurinn rættist núna eftir svekkjandi tíðindi 2022

Upplifir fyrsta stórmótið með Íslandi - „Eiginlega engin orð fyrir það"

Skelltu sér í sjóinn og fengu góðan mat - „Bara flottara í persónu"

mán 02. október 2023 21:52

Sæbjörn Þór Þórbergsson Steinke
Óðinsvéum

Sævar Atli: Hann á eftir að fara í topp þrjú deild í Evrópu

Mynd: Fótbolti.net - Hafliði Breiðfjörð

„Þetta er það sem kallað er karakterssigur, Mér fannt við byrja leikinn frekar illa, síðan unnum við okkur inn í leikinn og nýttum okkur það klárlega að þeirra aðdáendur eru dálítið á móti liðinu, eins og allir heyrðu á vellinum í dag. Virkilega góð þrjú stig," sagði Sævar Atli Magnússon, leikmaður Lyngby, eftir 1-2 útisigur liðsins gegn OB í dönsku Superliga.

Á eftir að spila í einni af topp þremur deildum Evrópu
Markvörður Lyngby, Mads Kikkenborg, átti stórleik í markinu og varði oft á tíðum meistaralega.

„Þetta er einn besti markmaðurinn í deildinni, hann er búinn að bæta sig mikið á síðasta ári, var líka ógeðslega mikilvægur þegar við héldum okkur uppi. Hann á svo bjarta framtíð fyrir sér, hann á eftir að fara í topp þrjú deild í Evrópu, það er 100%."

Næstum allir spila í gegnum einhver meiðsli
Freyr Alexandersson, þjálfari Lyngby, sagði frá því í viðtali eftir leikinn að Sævar væri að glíma við nárameiðsli. Sævar er kviðslitinn, er með 'sports hernia' og er að spila í gegnum það.

„Næstum hver einasti fótboltamaður er með meiðsli og stundum þarftu að bíta á jaxlinn til að komast í gegnum leikina. Þetta er búið að vera smá erfitt fyrir mig, lenti í þessu í byrjun tímabilsins."

„Já, þetta er það (vont á meðan leikurinn er í gangi), en það er erfiðara að æfa. Ég hef verið að taka verkjatöflur. Svona er þetta bara og ég mun alveg komast í gegnum þetta."

Rekinn á morgun?
Sævar nefndi andrúmsloftið á heimavelli OB í kvöld. Það voru mótmæli í kringum leikinn og mikil óánægja með gengi liðsins. Stuðningsmenn vilja fá þjálfarann, Andreas Alm, í burtu.

„Þetta er rosalega skrítið, í rauninni í fyrsta sinn sem ég lendi í þessu síðan ég kom til Danmerkur. Við fundum það í upphitun, svo fyrstu fimm mínútur leiksins var bara hljótt á vellinum og heyrðist bara í okkar stuðningsmönnum út af því það var verið að mótmæla einhverju. Þetta var mjög sérstakt og örugglega rosalega erfitt fyrir þá að spila undir þessum kringumstæðum. Það kæmi mér ekki á óvart ef þjálfarinn yrði rekinn á morgun."

Fyrsta markmið að halda sætinu
Með sigrinum er Lyngby komið í sjötta sæti deildarinnar.

„Við megum ekki fara fram úr okkur, þetta er klárlega ánægjulegt, en fyrsta markmiðið er að halda okkur í deildinni. Lyngby hefur ekki verið þrjú ár í röð í Superliga í 27 ár held ég. En að sjálfsögðu lítur þetta vel út núna og við þurfum bara að halda áfram," sagði Sævar að lokum.

Viðtalið í heild sinni má sjá í spilaranum efst. Hann ræðir þar um Andra Lucas Guðjohnsen og skemmtilegt atvik fyrir leik.