Fótbolti.net

Jóladagatalið: Langbest að fá heyrnarlausa menn til að dæma leikinn

Jóladagatalið: Cillessen rauk úr viðtali eftir tap á Laugardalsvelli

Jóladagatalið: Gylfi lét boltum rigna yfir Jóa Berg

Aron Einars: Spenntur fyrir Davíð og öllu sem hann stendur fyrir

Jóladagatalið: Ólafur Karl Finsen í kleinu

Ray Anthony: Eigum eftir að styrkja okkur betur

Hjörvar Daði: Markmiðið er að fara upp

Damir: Auðveld ákvörðun að velja Grindavík

Höskuldur: Varnarmennirnir gátu aldrei verið þægilegir út af honum

Ágúst Orri: Hann fer nánast á rassgatið

Óli Skúla: Sýndi að hann er frábær leikmaður

Ólafur Ingi: Draumastaða er bara þrjú stig

Sviptu hulunni af Loga Ólafs sem sagði af sér um leið

Höskuldur: Ég er mikill unnandi Loga sem persónu og leikmanns

Árni Guðna: Aldrei spurning þegar kallið kom héðan

Jói Kalli: Langaði ekki að vera lengur einn úti

Alex Freyr: Tók eitt símtal frá Davíð Smára

Sá fyrir sér að spila allan ferilinn með Völsungi en fetar í spor föður síns

Útskýrir af hverju hann er orðinn þjálfari Sindra: Ákvað að hætta í janúar

„Vissi að það yrði erfitt að kveðja en varð mun erfiðara en ég átti von á"

mán 02. október 2023 21:03

Elvar Geir Magnússon

Freysi um Gylfa: Ætla að leyfa Age að tilkynna hvort hann verði í hópnum

Lyngby sem vann öflugan 2-1 útisigur gegn OB í dönsku úrvalsdeildinni í kvöld. Með sigrinum komst Lyngby, sem Freyr Alexandersson stýrir, upp í sjötta sætið og í efri hluta deildarinnar.

Í viðtali við Sæbjörn Steinke, fréttamann Fótbolta.net, eftir leik hrósaði Freyr markverði sínum, Mads Kikkenborg, í hástert og viðurkenndi að ef hann væri þjálfari OB væri hann mjög svekktur að hafa tapað þessum leik.

„Hann er alveg geggjaður, hann hefur bætt sig alveg hrikalega mikið síðan hann kom til okkar. Hann var hjá Esbjerg og Óli Kristjáns gaf honum fyrsta tækifærið. Óli sagði við mig þegar hann var möguleiki að það væri ekki spurning að ég ætti að taka hann. Framtíð hans er hrikalega björt," sagði Freyr.

Kikkenborg er 23 ára gamall og tók nokkrar vörslur sem minntu á handboltavörslur í leiknum.

Andri Lucas sjóðandi heitur og fáránlega góður
Andri Lucas Guðjohnsen er sjóðheitur um þessar mundir og skorar í hverjum leik. Hann skoraði sigurmarkið í kvöld.

„Svo fékk hann víti í leiknum sem hann skoraði ekki í, hann er sjóðandi heitur og er fáránlega góður. Akkúrat það sem ég vissi að væri í honum. Ég sagði við hann á einhverjum tímapunkti að við þyrftum að taka því rólega, ná þessu á þremur mánuðum eða kannski sex. Það tók þrjá daga. Þetta eru ekki bara mörkin, öll vinnan sem hann leggur á sig, hvernig hann heldur í boltann, er geggjaður í loftinu og strákarnir elska að spila með honum. Þetta er meiriháttar. Allt sem dettur fyrir hann verður að marki."

Andri er á láni frá Norrköping en Lyngby er að vinna í því að kaupa hann alfarið.

Gylfi gæti spilað á föstudaginn
Gylfi Þór Sigurðsson lék nýlega sinn fyrsta leik fyrir Lyngby en var ekki í hóp í bikarleik á dögunum og heldur ekki í kvöld. Ástæðan eru meiðsli. Hvernig er staðan á Gylfa?

„Hún er góð í dag. Hann festist í bakinu. Við erum alveg viðbúnir því að annað slagið komi eitthvað. Það kemur eitthvað smá hér og þar. Við tökum engar áhættur með hann, þegar eitthvað gerist þá öndum við aðeins með nefinu. Við tökum fjögur skref áfram og þó það komi eitt afturábak höfum við samt farið þrjú skref áfram," segir Freyr.

„Við verðum að vera þolinmóðir. Hann vinnur hrikalega vel í sínu og planið er að hann æfi með liðinu á morgun. Við eigum strax leik á föstudaginn og vonandi nær hann honum."

Á miðvikudaginn tilkynnir Age Hareide nýjan landsliðshóp, fyrir leiki gegn Lúxemborg og Liechtenstein. Verður Gylfi í honum?

„Age veit stöðuna á honum en ég leyfi honum að tilkynna hvort hann verði í hópnum eða ekki. Satt best að segja veit ég ekki hver endanleg ákvörðun verður. Það kemur bara í ljós."

Sævar að spila í gegnum nárameiðsli
Sævar Atli Magnússon byrjaði á bekknum í kvöld og Freyr sagði að hann væri ekki alveg 100%.

„Sævar er búinn að vera með í náranum í þrjá mánuði, hann mun harka í gegnum það restina af tímabilinu. Svo fer hann í ákveðið meðferðarferli eftir það. Við getum ekki lagað það meðan tímabil er í gangi, hann er víkingur í gegn og mun spila með sársauka. Í vetrarfríinu vinnum við í þessu, það tekur örugglega 8-12 vikur að ná þessu úr honum," segir Freyr.

Í viðtalinu tjáir Freyr um gott gengi Lyngby og er spurður að því hvort hann hafi fengið tilboð frá öðrum félögum.

		L	U	J	T	ms:	mf:	mun	Stig
1	FCK	17	9	6	2	32	19	+13	33
2	Midtjylland	17	10	3	4	31	22	+9	33
3	Randers FC	17	8	6	3	31	19	+12	30
4	AGF Aarhus	17	7	7	3	30	17	+13	28
5	Brondby	17	7	6	4	31	22	+9	27
6	Silkeborg	17	6	8	3	29	23	+6	26
7	FC Nordsjaelland	17	7	5	5	30	29	+1	26
8	Viborg	17	5	6	6	29	27	+2	21
9	AaB Aalborg	17	4	5	8	18	31	-13	17
10	Sonderjylland	17	4	4	9	21	37	-16	16
11	Lyngby	17	1	7	9	12	24	-12	10
12	Vejle	17	1	3	13	16	40	-24	6