Hlynur: Spiluðum brjálað vel miðað við aðstæður

Hlynur var ánægður eftir 1-1 jafntefli gegn Grikklandi á Þróttaravelli í dag. Grikkir jöfnuðu metin undir lok leiksins.

„Mér líður í raun bara vel. Við spiluðum leikinn brjálað vel miðað við erfiðar aðstæður.“

Mikil snjókoma hafði áhrif á spilamennsku liðanna.

„Það tók alveg tíma að venjast aðstæðunum og finna taktinn í fótboltanum. Þetta eru ekki aðstæður sem maður vill spila í en við gerðum vel úr þessu.“

Hlynur var einnig sáttur með eigin frammistöðu.

„Ég er mjög sáttur. Mér fannst ég bara ná mér vel inn í leikinn“, sagði Hlynur að lokum.