Napoli hefur hótað að tefla fram unglingaliði sínu í síðari leiknum gegn Juventus í undanúrslitum ítalska bikarsins í næstu viku.
Napoli tapaði fyrri leiknum gegn Juventus í gær 3-1 en mönnum þar á bæ Napoli var alls ekki skemmt yfir dómgæslunni hjá Paolo Valeri í leiknum.
Juventus fékk tvær vítaspyrnur í leiknum en í síðara skiptið sýndu sjónvarpsupptökur að Pepe Reina náði boltanum á undan í baráttu sinni við Juan Cuadrado.
Napoli vildi einnig fá vítaspyrnu í leiknum þegar Raul Albiol féll í teignum.
Félagið hefur nú hótað að tefla fram unglingaliðinu í síðari leiknum í næstu viku til að mótmæla dómgæslunni í leiknum í gær.
Athugasemdir