Jón Dagur Þorsteinsson, leikmaður HK, er mögulega á leið til enska félagsins Fulham.
Jón Dagur hefur tvívegis farið til Fulham á reynslu og hann er nú staddur á Englandi til að ræða betur við félagið.
Jón Dagur hefur tvívegis farið til Fulham á reynslu og hann er nú staddur á Englandi til að ræða betur við félagið.
„Þetta er á einhverju stigi en það er ekki búið að ganga frá neinu," sagði Þorsteinn Halldórsson faðir Jóns Dags við Fótbolta.net í dag en hann er með syni sínum á Englandi.
„Þeir vilja fá hann en þetta veltur bara á honum."
Jón Dagur er 16 ára gamall en hann steig sín fyrstu skref með meistaraflokki HK í fyrra.
Í sumar hefur Jón Dagur spilað sjö leiki í deild og bikar með HK en hann á einnig tólf leiki að baki með U17 ára landsliði Íslands.
Athugasemdir