Katrín Ómarsdóttir.
Katrín Ómarsdóttir, leikmaður KR í Pepsi-deild kvenna, var sátt með 3-1 sigurinn á Grindavík í kvöld. Hún er komin til baka eftir meiðsli og var ánægð með sína innkomu.
Lestu um leikinn: Grindavík 1 - 3 KR
Katrín spilaði allan leikinn í kvöld og gerði annað mark KR en liðið er í fallbaráttu.
„Þrjú stig í Grindavík er gott mál. Mér fannst við spila vel, fyrri hálfleikur á móti vindi og fengum fullt af skotum og hefðum getað verið 2-1 eða 3-1 yfir í hálfleik. Við vissum að við vorum að spila vel og að við myndum skora fleiri mörk," sagði Katrín við Fótbolta.net.
Fréttaritari Fótbolta.net benti á KR hefði verið betri aðilinn allan leikinn og hún var nokkuð sammála því.
„Já, var það? Við vorum með vindinn í baki og það hjálpaði og vorum betri aðilinn í fyrri hálfleik líka þegar við vorum á móti vindi. Mörkin gilda."
Eins og áður segir er KR í fallbaráttu en liðið er í áttunda sæti með 9 stig.
„Ég bara skoða varla töfluna en mér finnst gaman að vera komin til baka og við reynum að vinna eins marga leiki og við getum," sagði hún í lokin.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
