Eiríkur Stefán Ásgeirsson, íþróttafréttamaður hjá 365, er mættur til Belgíu til að fjalla um vinuáttuleik Íslands og heimamanna í kvöld.
Lars Lagerback og Heimir Hallgrímsson ætla að gera breytingar á byrjunarliði Íslands í kvöld.
,,Maður veit ekki alveg hvernig þeir ætla að nálgast þetta. Ég reikna með því að fá 50/50 blöndu af fastamönnum og nýjum mönnum í byrjunarliðinu. Síðan verða skiptingar í hálfleik og eftir sextíu mínútur," sagði Eiríkur Stefán við Fótbolta.net í dag.
Lars Lagerback og Heimir Hallgrímsson ætla að gera breytingar á byrjunarliði Íslands í kvöld.
,,Maður veit ekki alveg hvernig þeir ætla að nálgast þetta. Ég reikna með því að fá 50/50 blöndu af fastamönnum og nýjum mönnum í byrjunarliðinu. Síðan verða skiptingar í hálfleik og eftir sextíu mínútur," sagði Eiríkur Stefán við Fótbolta.net í dag.
Belgar eru í fjórða sæti á heimslista FIFA en mikill uppgangur hefur verið í fótboltanum þar í landi.
,,Þetta er bara vináttulandsleikur en það ætla 20-25 þúsund manns að mæta og maður hefur oft séð það verra. Belgarnir eru með frábært lið og það verður skemmtilegt að sjá þá spila þó að þetta sé bara vináttulandsleikur."
Erlendir fjölmiðlar hafa sýnt íslenska liðinu gífurlegan áhuga undanfarna mánuði eftir góða byrjun í undankeppni EM.
,,Það eru margir að fylgjast með og spyrja spurninga um liðið. Ég hef séð blaðamenn frá Bretlandi, Frakklandi og Þýskalandi hérna. Það sýnir hversu mikill áhugi er á liðinu og það er viðurkenning fyrir árangurinn og það sem þessir strákar hafa gert."
Hér að ofan má sjá viðtalið í heild sinni.
Athugasemdir