Lagerback og Heimir Hallgrímsson úti á velli í dag.
Lars Lagerback, annar landsliðsþjálfari Íslands, var nokkuð sáttur með spilamennsku liðsins eftir 3-1 tap gegn Belgíu í vináttuleik í kvöld.
Lagerback viðurkenndi að sér þætti aldrei gaman að tapa en hann sá ákveðna jákvæða punkta í leiknum.
Lagerback viðurkenndi að sér þætti aldrei gaman að tapa en hann sá ákveðna jákvæða punkta í leiknum.
,,Það er aldrei gaman að tapa og ég er ekki ánægður með það, en við verðum að taka til greina að við spiluðum við eitt besta lið heims í dag. Ég er frekar ánægður með leikmennina, við stóðum okkur frekar vel, sérstaklega í seinni hálfleik. Þeir sköpuðu ekki jafn mörg færi þar og í fyrri hálfleik og við sköpuðum nokkur færi, svo ég er nokkuð sáttur," sagði Lagerback við Fótbolta.net.
,,Það var auðvitað gott fyrir leikmennina sem hafa ekki spilað mjög mikið að fá að spila, eins og markverðina og Hörð sem fékk 90 mínútur gegn svona góðu liði. Það er leiðin til að bæta sig."
,,Strákarnir sýna að þeir geta spilað í þessum gæðaflokki. Við vorum ekki yfirspilaðir á neinn hátt, jafnvel þó Belgía hafi verið betri en við."
,,Ögmundur átti frábærar markvörslur í fyrri hálfleiknum og Ingvar stóð sig vel. Þeir sýndu að þeir geta barist við Hannes um aðalmarkvarðarstöðuna, og það er gott fyrir liðið að hafa þrjá góða markverði."
,,Leikmennirnir fengu þá reynslu sem fylgir því að spila mjög, mjög góðu liði. Það er líka jákvætt að enginn hafi meiðst fyrir mikilvægan keppnisleik."
Athugasemdir
