Ronald Koeman, stjóri Everton, segir klárt mál að hann muni ekki taka við hollenska landsliðinu á þessum tímapunkti. Koeman var orðaður við starfið í Hollandi eftir að Dick Advocaat mistókst að koma liðinu á HM í Rússlandi.
„Það er ekki óvænt að ég sé orðaður við starfið, þetta er ekki í fyrsta sinn. En ég er stjóri Everton og það er mikilvægast í mínum huga. Það er óraunhæft að tala um framtíðina núna. Ég hef verk að vinna með Everton," segir Koeman.
„Við þurfum að breyta stöðu okkar í deildinni. Það er forgangsatriði til lengri tíma litið."
Everton mætir Brighton & Hove Albion um helgina en Gylfi og félagar eru í 16. sæti ensku úrvalsdeildarinnar og hafa farið illa af stað.
Athugasemdir