Síðasta leik kvöldsins í Ítölsku deildinni er nú lokið.

Þar áttust við liðin í 3. og 5. sæti deildarinnar, Fiorentina og Inter.

Gestirnir komust yfir snemma leiks þegar Marcelo Brozovic skoraði laglegt mark og þannig stóðu leikar í hálfleik.

Borja Valero jafnaði svo metin fyrir heimamenn frá Flórens á 60. mínútu og allt stefndi í jafntefli.

Það var svo Senegalinn geðþekki Khouma Babacar sem skoraði sigurmarkið á 90. Mínútu og tryggði heimamönnum mikilvæg þrjú stig í topp baráttunni.