Átta leikir eru á dagskrá í undankeppni EM 2016 í kvöld og verða þrír þeirra sýndir í beinni útsendingu á Stöð 2 Sport og aukastöðvum.
Mikil spenna ríkir í D-riðli þar sem Þjóðverjar töpuðu fyrir Pólverjum í annarri umferð og eiga heimaleik gegn toppliði Íra í kvöld.
Mikil spenna ríkir í D-riðli þar sem Þjóðverjar töpuðu fyrir Pólverjum í annarri umferð og eiga heimaleik gegn toppliði Íra í kvöld.
Pólverjar mæta þá Skotum sem rétt töpuðu fyrir Þjóðverjum en lögðu svo Georgíu og eru því með þrjú stig. Georgía heimsækir Gíbraltar sem hefur tapað báðum leikjum sínum 7-0.
Í F-riðli eru Norður-Írar óvænt á toppnum en eiga erfiðan útileik gegn Grikkjum sem eru aðeins með eitt stig eftir tap gegn Rúmenum og jafntefli gegn Finnum.
Finnar mæta Rúmenum en liðin eru í 2-3. sæti með fjögur stig og stigalausu nágrannar okkar frá Færeyjum eiga heimaleik gegn Ungverjum sem eru aðeins með eitt stig.
Danir mæta svo Portúgölum í stórleik I-riðils þar sem Albanir, sem lögðu Portúgal í fyrstu umferð, eiga útileik gegn Serbíu.
D-riðill:
18:45 Þýskaland - Írland (Stöð 2 Sport)
18:45 Pólland - Skotland (Stöð 2 Sport 2)
18:45 Gíbraltar - Georgía
F-riðill:
18:45 Grikkland - Norður-Írland
18:45 Finnland - Rúmenía
18:45 Færeyjar - Ungverjaland
I-riðill:
18:45 Danmörk - Portúgal (Stöð 2 Sport 3)
18:45 Serbía - Albanía
Athugasemdir