„Í dag byrjar hann að taka þátt í æfingum með okkur aftur. Ég veit ekki hvenær hann verður klár, fyrsta skrefið er að koma honum í æfingaform. Það getur tekið eina til tvær vikur," sagði Guardiola.

City valtaði yfir Basel í 16-liða úrslitum Meistaradeildarinnar og eru mikilvægir leikir framundan. Pep er ánægður með hvíldartímann sem hans menn fá á milli leikja.

„Við fáum sex daga á milli leikja og það tekur strákana bara tvo til þrjá daga að ná sér."

City mætir Wigan í 16-liða úrslitum enska bikarsins á mánudaginn og á svo úrslitaleik við Arsenal í deildabikarnum sunnudaginn þar á eftir.

City mætir Arsenal aftur fimmtudaginn 1. mars, á útivelli í úrvalsdeildinni, þremur dögum fyrir heimsókn á Stamford Bridge þar sem fráfarandi Englandsmeistarar verða klárir í slaginn.