Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   sun 18. febrúar 2018 05:55
Gunnar Logi Gylfason
Ísland í dag - Íslandsmeistararnir fá Val í heimsókn
Þór/KA fær Val í heimsókn norður
Þór/KA fær Val í heimsókn norður
Mynd: Fótbolti.net - Sævar Geir Sigurjónsson
Tindastóll og Árborg mætast í Akraneshöllinni klukkan 13:00 í leik um 5.sætið á Fótbolta.net mótinu.

Í riðli 2 í A deild Lengjubikars karla mætast Þróttur R. og Breiðablik í Egilshöllinni. Þetta er annar leikur liðanna í mótinu. Þróttur tapaði fyrsta leiknum sínum á meðan Breiðablik tók ÍR í kennslustund í 7-0 sigri í sínum fyrsta leik.

Í riðli 4 í A deild Lengjubikarsins verða þrír leikir spilaðir í dag. Klukkan 15:00 mætast Grindavík og Þór í Akraneshöllinni. Grindavík vann sinn fyrsta leik í mótinu 4-1 en þetta er fyrsti leikur Þórs í mótinu.

FH, sem endaði í 3.sæti Pepsi-deildarinnar síðastliðið sumar, mætir Selfossi í Reykjaneshöllinni klukkan 16:00. FH tapaði fyrsta leik mótsins gegn Fylki. Selfoss hefur ekki enn hafið leik í mótinu og verður leikurinn við FH því fyrsti leikur liðsins.

Síðasti leikur dagsins í riðli 4 verður viðureign Fylkis og HK sem fer fram í Egilshöllinni klukkan 16:15. Fylkir hóf mótið á sigri en HK tapaði sínum fyrsta leik.

Einn leikur fer fram í A deild Lengjubikars kvenna.

Íslandsmeistararnir í Þór/KA taka á móti Valskonum í Boganum á Akureyri og hefst leikurinn klukkan 15:00. Valskonur byrjuðu mótið vel og unnu FH 4-0 en þetta verður fyrsti leikur Þórs/KA í mótinu.

Fótbolta.net mótið - C deild - Úrslit
13:00 Tindastóll-Árborg (Akraneshöllin)

Lengjubikar karla - A deild - Riðill 2
18:15 Þróttur R.-Breiðablik (Egilshöll)

Lengjubikar karla - A deild - Riðill 4
15:00 Grindavík-Þór (Akraneshöllin)
16:00 FH-Selfoss (Reykjaneshöllin)
16:15 Fylkir-HK (Egilshöll)

Lengjubikar kvenna - A-deild
15:00 Þór/KA-Valur (Boginn)
Athugasemdir
banner
banner
banner