Það er fjörugur laugardagur framundan í Lengjubikarnum. Undirbúningstímabilið á Íslandi er komið á fulla ferð.

Í dag eru nokkrir leikir í A-deild karla. Þar á meðal er Pepsi-deildarslagur KR og ÍBV, en hann verður spilaður Í Egilshöll. Íslandsmeistarar FH eiga einnig leik, en þeir mæta Keflavík.

Þetta er eini Pepsi-deildarslagurinn í Lengjubikar karla í dag, tveir þannig leikir eru í Lengjubikar kvenna. FH og ÍBV eigast við og svo mætast nýliðarnir tveir, Grindavík og Haukar.

Það eru í heildina 14 leikir á dagskrá í dag, en hér að neðan má sjá þá alla, tímasetningar við þá og leikstaði.