Poyet, sem sagði upp störfum hjá kínverska félaginu Shanghai Shenhua í september síðastliðnum, tekur við liðinu af Jocelyn Gourvennec.

Á leikmannaferli sínum spilaði Poyet meðal annars með Chelsea og Tottenham. Hann fær Mauricio Taricco, fyrrum liðsfélaga sinn hjá Tottenham, og Fernando Menegazzo sér til aðstoðar.

Poyet hefur þjálfað lið á borð við Brighton & Hove Albion og Sunderland en hann varð fyrsti Úrúgvæinn til að þjálfa í ensku úrvalsdeildinni þegar hann tók við Sunderland í október árið 2013.