,,Þetta er algjör draumur, við erum búin að reyna að taka varnarleikinn okkar í gegn og við erum búin að fá of mörg mörk á okkur, þannig að þetta var mjög gott," sagði Gunnar Borgþórsson, þjálfari Selfoss eftir 3-0 sigur á ÍBV í Eyjum í dag.
,,Það er kannski smá heppnisstimpill yfir mörk úr föstum leikatriðum, en þau eru vel undirbúin og útfærð atriðið sem við skorum úr," sagði Gunnar en Selfoss skoraði beint úr aukaspyrnu og hornspyrnu í leiknum.
,,Nú erum við að svissa yfir í bikarkeppni á fimmtudaginn og markmiðið er auðvitað að vinna þann leik en svo höldum við áfram að horfa á Pepsi-deildina," sagði Gunnar en Selfoss mætir Fylki í undanúrslitum Borgunarbikarsins en hin viðureignin er milli Stjörnunnar og Breiðabliks.
Viðtalið í heild sinni má sjá í sjónvarpinu að ofan.
Athugasemdir