,,Í fyrri hálfleik vorum við með vindinn í bakið og það var allt í slow-motion hjá okkur, aldrei neinn að haska sér áfram og reyna að láta hlutina ganga," sagði Jón Ólafur Daníelsson, þjálfari ÍBV eftir 3-0 tap gegn Selfossi í dag.
,,Við fáum náttúrulega tvö svakaleg færi í fyrri hálfleik sem við misnotum, fáum eitt svakalegt færi í seinni hálfleik sem við misnotum og það er mjög slæmt að skapa sér þrjú dauða, dauðafæri í leik sem þú ert að spila illa og geta ekki nýtt þetta," sagði Jón Óli.
,,Mér fannst nýi leikmaðurinn, Ariana ekki komast nógu vel í takt við leikinn enda spiluðum við ekki nógu vel, maður var alltaf að bíða eftir að hún kæmist meira in í þetta og færi að láta að sér kveða en það gekk ekki í dag og var þetta ákaflega dapur dagur hjá ÍBV," sagði Jón Óli en Ariana Calderon byrjaði sinn fyrsta leik í dag fyrir ÍBV.
,,Þetta er bara sofandaháttur, menn klára bara einfaldlega ekki hlutverkin sín og því fer bara náttúrulega sem fer," sagði Jón Óli. að lokum.
Viðtalið í heild sinni má sjá í sjónvarpinu hér að ofan.
Athugasemdir