Ronaldo hefur spilað fimm leiki á Anfield án þess að skora.
Carlo Ancelotti, þjálfari Real Madrid, segir að stuðningsmenn Liverpool muni ekki hafa áhrif á Cristiano Ronaldo ef þeir baula á Portúgalann í leik liðanna á Anfield á morgun.
Ronaldo spilaði í sex ár með erkifjendum Liverpool í Manchester United og hann gæti fengið óblíðar móttökur á Anfield á morgun.
Ronaldo spilaði í sex ár með erkifjendum Liverpool í Manchester United og hann gæti fengið óblíðar móttökur á Anfield á morgun.
Ancelotti segir að það muni ekki hafa slæm áhrif á Ronaldo ef stuðningsmenn Liverpool baula á hann.
,,Nei, ha, ha. Hann verður ennþá ákveðnari í að standa sig því að þetta er Liverpool," sagði Ancelotti.
,,Cristiano er alltaf mjög ákveðinn í að standa sig en ef andrúmsloftið er fjandsamlegt þá gerir það hann ennþá ákveðnari."
Athugasemdir
