„Þetta var fínasti leikur, kannski ekki mikið um opin færi, við fengum færi. Þetta var ágætlega spilaður leikur, við lágum svolítið í vörn í fyrri hálfleik og áttum reyndar þrjú, fjögur góð upphlaup í fyrri hálfleik einnig. Síðan gerum við fullt af skiptingum og það eru ungir strákar að stíga sín fyrstu skref í meistarflokki sem er ánægjulegt."

„Þetta er gott mót og gefur okkur helling," sagði svo Rúnar aðspurður út í Bose mótið sem er að hefjast.

Sandefjord í Noregi gerði tilboð í framherjann Hólmbert Aron Friðjónsson á dögunum. Rúnar Páll segir ekkert að frétta.

„Það er ekkert að frétta," sagði Rúnar. „Ég er að segja satt, við ætlum ekki gefa leikmenn frá okkur. Við erum á þeim stað sem félag að það er óþarfi að gefa norskum liðum okkar bestu leikmenn"

„Hólmert stóð sig feykivel og við stólum á hann sem leikmann. Ef við fáum sanngjarnt og gott tilboð í hann þá stöndum við ekki í vegi fyrir hann en við ætlum ekki að gefa hann."

En eru einhverjir nýir leikmenn á leið í Stjörnuna?

„Nei, ekki eins og staðan er núna. Við erum með frábæran leikmannahóp og ungir strákar að koma upp. Þeir þurfa glugga til að sanna sig," sagði Rúnar að lokum.

Viðtalið er í heild sinni hér að ofan.