Enrique hefur orðið fyrir mikilli gagnrýni að undanförnu en liðið er svo gott sem dottið út úr Meistaradeildinni og þá er liðið einnig á eftir erkifjendum sínum Real Madrid í deildinni.

Samningur Enrique rennur út í sumar en Alba hefur mikla trú á þjálfara sínum.

„Hann er besti þjálfari sem Barcelona getur verið með í dag," sagði Alba.

Þá hefur Alba einnig trú á því að Barcelona komi til baka í síðari leiknum gegn PSG en frönsku meistararnir unnu 4-0 í fyrri leiknum.

„Endurkoma verður erfið en ef þeir geta skorað fjögur mörk, þá getum við það líka."