Lestu um leikinn: Kosóvó 1 -  2 Ísland

„Mér fannst þetta vera pjúra víti en ég veit ekki hvernig þetta leit út í sjónvarpinu," sagði Birkir.

Kosóvó minnkaði muninn í 2-1 í síðari hálfleik eftir að Ísland hafði verið með þægilegt forskot í leikhléi. Síðari hálfleikurinn var ekki jafn góður hjá íslenska liðinu og sá fyrri.

„Óafvitandi slöppuðum við kannski af. Þeir voru vel peppaðir og fengu mark snemma. Þá varð þetta ströggl og við náðum ekki að halda boltanu. Við náðum samt stjórn á þessu þegar líða tók á seinni hálfleikinn."

Ísland er í 2. sæti eftir fyrri umferðina í riðli I og framundan er toppslagur gegn Króatíu á Laugardalsvelli þann 11. júní. Efsta sæti riðilsins gefur beint sæti á HM en 2. sætið fer í umspil.

„Það er fínt að fá svona semi úrslitaleik um að ná fyrsta sætinu. Síðast þegar við mættum þeim heima fór 0-0 og við erum betra lið núna. Við getum alveg tekið þá heima," sagði Birkir að lokum.

Hér að ofan má sjá viðtalið í heild sinni.