Donni hefur stýrt sínum síðasta leik fyrir Þór í bili
„Þetta voru sanngjörn úrslit.“ Sagði Donni þjálfari Þórs eftir 3-0 tap gegn KA í lokaleik tímabilsins. En Donni hættir með Þór eftir tímabilið. „Þeir voru töluvert betri en við og þeir voru bara frábærir í dag.“
Lestu um leikinn: Þór 0 - 3 KA
„Við vorum mjög ragir við að hafa boltann. Svo skarast uppleggið þegar KA-menn skora fyrsta markið. KA-menn áttu bara frábæran leik og við áttum fá svör við því og því fór sem fór.“
Donni hættir með félagið eftir leikinn. aðspurður um hvort ákvörðunin hafi verið erfið sagði Donni:
„Það var gríðarlega erfið ákvörðun. Ég er grjótharður Þórsarir og elska þetta félag gríðarlega mikið. Mér finnst mjög erfitt að þurfa að kveðja á þessum tímapunkti en sú var raunin og þá bara bíða verkefni. Félagið heldur áfram og ég líka. “
„Ég er sáttur með mjög margt sem hefur verið gert hérna í minni tíð. Svekktur að hafa ekki komist upp, því við höfðum tækifæri til þess. En að sama skapi er ég sáttur með með margt. einstaklingar sem náðu hápunktum á sínum ferli hingað til.“
Nánar er rætt við Donna í spilaranum hér fyrir ofan
Athugasemdir
