Víkingur Ólafsvík hefur fengið markvörðinn Kristján Pétur Þórarinsson á láni frá FH.
Kristján Pétur er fæddur árið 1995 en hann gekk upp úr 2. flokki síðastliðið haust.
,,Hann er á láni út tímabilið en málin verða skoðuð að beggja hálfu eftir Lengjubikarinn," sagði Jónas Gestur Jónasson formaður knattspyrnudeildar Víkings í samtali við Fótbolta.net í dag.
Kristján Pétur er fæddur árið 1995 en hann gekk upp úr 2. flokki síðastliðið haust.
,,Hann er á láni út tímabilið en málin verða skoðuð að beggja hálfu eftir Lengjubikarinn," sagði Jónas Gestur Jónasson formaður knattspyrnudeildar Víkings í samtali við Fótbolta.net í dag.
Arnar Darri Pétursson varði mark Víkings á síðasta tímabili en hann var í láni frá Stjörnunni.
Einar Hjörleifsson reif hanskana af hillunni um síðustu helgi þegar hann varði mark Ólafsvíkinga gegn Þrótti í Lengjubikarnum en Kristján Pétur er nú kominn með leikheimild.
Fyrsti leikur Kristjáns Péturs með Víkingi verður gegn FH í Lengjubikarnum á sunnudag.
Athugasemdir