Ný auglýsing fyrir Pepsi-mörkin var frumsýnd í dag en hún hefur vakið mikla kátínu. Hægt er að sjá auglýsinguna hér að neðan.
Hörður Magnússon og hans menn vinna leiksigur í þessari nýju auglýsingu en Hörður hefur leikaragenið í sér enda sonur stórleikarans Magnúsar Ólafssonar.
„Alltaf þegar maður er búinn að leika í þessari auglýsingu þá fær maður tilfinninguna að nú sé þetta að byrja. Auglýsingin kom mér á óvart og er betri en ég átti von á," sagði Hörður í viðtali í útvarpsþætti Fótbolta.net en þar fór hann vel yfir það hvernig íslenski boltinn verður matreiddur á Stöð 2 Sport í sumar.
Í auglýsingunni koma meðal annars við sögu naktir leikmenn Víkings, B5 og brandarabók Loga.
Upphitunarþáttur Pepsi-markanna verður klukkan 20 á föstudagskvöld á Stöð 2 Sport, í opinni dagskrá.
Athugasemdir