Jose Mourinho, þjálfari Chelsea, hefur hótað að fella Angel Di Maria ef vængmaðurinn kemur nálægt sér í leik Man Utd og Chelsea í dag.

Mourinho felldi Olly Murs í góðgerðarleik á Old Trafford í júní. Fyrir leikinn í dag sagði Mourinho léttur í bragði að hann gæti endurtekið leikinn ef Di Maria kæmi nálægt honum.

„Sáuði tæklinguna hjá mér? Ef ég gæti endurtekið leikinn á sunnudag (í dag) myndi ég gera það.“

„Það er meira að segja sami dómari. Ef ég sé Di Maria hlaupa upp kantinn, búmm! og hann er niðri,“ sagði Mourinho léttur í bragði.