Arsenal vann.

Mynd: Getty Images

De Zerbi í brasi.

Mynd: EPA

Kluivert.

Mynd: Getty Images

Tottenham byrjaði leikinn af krafti en það voru hins vegar gestirnir sem komust í forystu. Bukayo Saka tók þá hornspyrnu sem Daninn Pierre-Emile Hojbjerg skallaði klaufalega í sitt eigið net.

Tottenham hélt að það hefði jafnað leikinn stuttu síðar þegar Micky van de Ven skoraði en VAR skarst þá í leikinn og var Hollendingurinn dæmdur rangstaður. Mjög tæpur dómur svo ekki sé meira sagt. Þetta nýtti Arsenal sér og komst liðið í tveggja marka forystu eftir flotta sókn. Bukayo Saka tók þá færið sitt vel eftir frábæra sendingu frá Kai Havertz. Leikmenn Tottenham voru ekki sáttir en þeir vildu fá vítaspyrnu nokkrum sekúndum áður en Saka skoraði.

Arsenal var ekki á þeim buxunum að stoppa en Havertz stangaði boltann í netið eftir hornspyrnu frá Declan Rice og staðan því hvorki meira né minna en 0-3 í hálfleik. Tottenham liðið beit frá sér í síðari hálfleiknum.

David Raya, markvörður Arsenal, gerði hörmuleg mistök á 64. mínútu en hann senti þá boltann beint á Cristian Romero sem þakkaði fyrir sig og skoraði framhjá Spánverjanum í markinu. Þetta mark kveikti líf í Tottenham og náði liðið að minnka muninn enn frekar.

Son Heung-min skoraði þá af vítapunktinum en brotið hafði verið á Ben Davies. Tottenham þjarmaði að Arsenal í uppbótartímanum en tókst ekki að jafna metin og því risa sigur staðreynd hjá Arsenal. Liðið situr á toppnum með fjórum stigum meira heldur en Manchester City en Englandsmeistararnir eiga tvo leiki til góða.

Þá hélt hörmulegt gengi Brighton áfram en liðið tapaði með þremur mörkum gegn engu á móti Bournemouth á útivelli þar sem Marco Senesi, Enes Unal og Justin Kluivert skoruðu mörkin.

Bournemouth 3 - 0 Brighton
1-0 Marcos Senesi ('13 )
2-0 Enes Unal ('52 )
3-0 Justin Kluivert ('87 )

Tottenham 2 - 3 Arsenal
0-1 Pierre-Emile Hojbjerg ('15 , sjálfsmark)
0-2 Bukayo Saka ('27 )
0-3 Kai Havertz ('38 )
1-3 Cristian Romero ('64 )
2-3 Son Heung-Min ('87 , víti)