Morgan Schneiderlin, leikmaður Southampton á Englandi, er brjálaður út í félagið þessa stundina en það vill ekki leyfa honum að fara til Tottenham Hotspur.
Southampton hefur verið duglegt að selja leikmenn liðsins í sumar en þar má nefna þá Rickie Lambert, Adam Lallana, Calum Chambers, Luke Shawe og Dejan Lovren.
Tottenham Hotspur var við það að krækja í Morgan Schneiderlin og Jay Rodriguez þá frá Southampton en stjórnarmenn félagsins höfnuðu því og var greint frá því að þessir leikmenn komi til með að spila fyrir Southampton á komandi tímabili.
Schneiderlin er brjálaður út í félagið og birti þessa færslu hér fyrir neðan á samskiptavef Twitter.
,,Frábæru sex ára ferðalagi hjá Southampton rústað á klukkutíma," sagði Schneiderlin.
6 years of an amazing journey #saintsfc DESTROYED in 1 hour !!!
— Morgan Schneiderlin (@SchneiderlinMo4) July 29, 2014
Athugasemdir