Jóhann Helgason, fyrirliði KA, var svekktur í leikslok eftir tap í vítaspyrnukeppni gegn Val í undanúrslitum Borgunarbikarsins í kvöld.
Lestu um leikinn: KA 4 - 6 Valur
„Ég er gríðarlega svekktur. Þetta gerist ekki meira svekkjandi. Við gáfum okkur alla í verkefnið og mér fannst við eiga að fara áfram í þessum leik".
KA-menn voru ósáttir með jöfnunarmark Vals og vildu meina að brotið hefði verið á Srdjan Rajkovic, markverði KA, í aðrdaganda marksins.
„Það var klárlega brot. Rajko segir það sjálfur en ég sá það ekki almennilega. Það var svo dæmd aukaspyrna rétt á eftir sem var eitthvað miklu minna þannig að þetta er mjög svekkjandi". sagði Jóhann.
Nú tekur hörkubarátta við í 1.deildinni hjá KA-mönnum og Jóhann fer ekki í felur með hvert markmið liðsins þar er.
„Aðalmarkmiðið okkar er þar, að komast upp og nú er það bara eina markmiðið okkar. Við stefnum á það, alveg klárlega".
Viðtalið í heild sinni má sjá í vefspilaranum hér fyrir ofan.
Athugasemdir