Talið er líklegt að leikurinn gegn Síle í úrslitum Copa America hafi verið síðasti leikur Argentínu undir stjórn Tata Martino.

Simeone hefur verið afar sigursæll með Atletico Madrid og er einn eftirsóttasti knattspyrnustjóri heimsins um þessar mundir en hann lék 106 landsleiki fyrir Argentínu á leikmannaferli sínum.

Cerezo segir ekki koma til greina að leyfa Simeone að ræða við argentínska knattspyrnusambandið.

,Þeir hringdu í mig og spurðu mig út í stöðuna á Simeone en ég gaf þeim hreinskilið svar og sagði nei," segir Cerezo.