Stefán Marteinn Ólafsson @Stefanmarteinn7

Textalýsing Skýrslan Viðtöl

Hvað réði úrslitum? Mark frá Frans ræður hér úrslitum. Njarðvíkingar betri lungað af leiknum en í þetta sinn féll þetta með Keflvíkingum og gott skot frá Frans Elvarssyni klárar þennan leik. Bestu leikmenn 1. Frans Elvarsson Gef Frans þetta fyrir sigurmarkið sem skilja liðin af. Var flottur á miðjunni hjá Keflavík og steig upp þegar mest á reyndi. 2. Hilmar McShane Var frábær í þessum leik fyrir Njarðvík og gerði Keflvíkingum oft lífið leitt. Teknískur og fljótur að hugsa sem skapaði oft hættu en því miður fyrir þá grænklæddu náðu þeir ekki að nýta sér það. Atvikið Markið hans Frans. Njarðvíkingar í dauðaleit af stigum og það var ekkert sem var að fara benda til þess að Njarðvík myndi ekki ná allavega stigi en þá kom Frans og skemmdi partýið hjá þeim.

Hvað þýða úrslitin? Njarðvíkingar eru ennþá í skítamálum undir rauðu línunni og róðurinn verður alltaf erfiðari og erfiðari. Keflvíkingar sigla lignan og ekki í baráttu um neitt annað en stoltið. Vondur dagur Brynjar Atli Bragason verður því miður að taka þetta á sig. Skotið frá Frans var skot sem undir eðlilegum kringumstæðum Brynjar hefði tekið og markmaðurinn á að taka. Svekkir sig á þessu í kvöld en snýr aftur reynslunni ríkari. Dómarinn - 7 Var með flott tök á leiknum, smábrot hér og þar sem hefðu mátt fara öðruvísi en heilt yfir bara vel dæmdur leikur.