Sæbjörn Þór Þórbergsson Steinke @saebjornth

- Meðalaldur 31 ár

- Meðalaldur 31 ár

Hvað réði úrslitum? Þrátt fyrir góða kafla hjá Leikni náðu gestirnir ekki að ógna marki Valsmanna nógu oft í leiknum. Heimamenn áttu fleiri skottilraunir á markið og komu boltanum oftar í netið. Guy þurfti bara að verja einu sinni en Viktor hafði aðeins meira að gera hinu megin. Gestirnir voru virkilega flottir fram að síðasta þriðjungi en þar vantaði smá krydd til að gera heimamönnum lífið erfiðara. Fullt af ágætis upphlaupum en vantar endahnútana á sóknaraðgerðirnar. Bestu leikmenn 1. Arnór Smárason Heldur áfram að skila frábærum frammistöðum þegar hann er inn á vellinum. Gæðin í litlu hlutunum, snertingum og hreyfingum, eru mjög svo sýnileg og gaman að horfa á hann spila leikinn. 2. Guy Smit Spilaði á annarri löppinni en leysti það í raun listavel. Varði einu sinni frábærlega frá Emil Berger. Atvikið Sigurmark Vals. Leiknir tapaði boltanum á vallarhelmingi Vals og heimamenn brunuðu upp í skyndisókn. Flottur einnar snertingarfótbolti endaði á stungusendingu frá Patrick inn á Tryggva sem kom boltanum í netið.

Hvað þýða úrslitin? Leiknir er með fjögur stig líkt og botnlið ÍBV og Valur er með nítján eins og Stjarnan og Víkingur sem eru fyrir ofan í öðru og þriðja sæti. Valur vann sinn annan leik í röð og Leiknir leitar áfram að sínum fyrsta sigri í sumar. Vondur dagur Enginn. Dómarinn - Sex Heilt yfir bara ágætlega dæmt hjá Agli, fínasta stjórn á leiknum. Held samt að hann hafi misst af vítaspyrnu undir lok leik þegar Hólmar Örn fór í grasið í vítateig Leiknis í lok leiks. 'Ég get ekki flogið svona án aðstoðar' sagði Hólmar við fréttaritara eftir leik.

- Meðalaldur 29 ár