Bara ein mínúta í uppbót og Skagamenn vinna þennan leik. Öruggur sigur hjá þeim, skýrsla og viðtöl væntanleg seinna í kvöld.

Ómar Björn fer strax í það að hlaupa upp kantinn, koma sér inn á teiginn og tekur skotið. Það fór hins vegar beint í Anton.

Skagamenn koma boltanum upp hægri kantinn og svo kemur fyrirgjöfin. Viktor ákveður þá að henda bara í hjólhestinn, hann nær skotinu en það fer yfir.

Jónatan Guðni með skemmtilegan sprett frá vinstri kantinum og yfir á miðjan völlinn. Hann tekur svo skotið, en bara aðeins of hátt.

Skagamenn sækja hratt og eru tveir komnir í gegn og bara markmaðurinn til varnar. Haukur er þá í algjöru dauðafæri en bíður eftir Viktoti svo hann geti lagt á hann. Skotið frá Viktori er svo ekki nógu gott.

Gísli Laxdal með fastan bolta fyrir, Steinar er að koma á fullum hraða inn í teiginn og hann nær til boltans en ekki nægilega vel þannig hann 'slæsar' hann aftur fyrir.

Blikarnir að spila ágætlega saman í kringum teig Skagamanna. Viktor Karl tekur svo skotið en í varnarmann og svo afturfyrir.

Gísli Laxdal í fínni stöðu en hittir boltann mjög illa þannig skotið hans langt framhjá.

Steinar Þorsteins með danstakta fyrir utan teig, býr sér þannig til smá pláss og tekur svo fast skot á markið en Anton með mjög góða vörslu.

Blikarnir sækja hratt og Höskuldur leggur boltann á Davíð sem er að bruna upp vinstri kantinn. Davíð fer svo inn á teig og reynir skotið, en Árni með góða vörslu til að stöðva þetta.

Skagamenn með tveggja marka forystu í hálfleik en það skilaði sér út af góðri pressu. Heilt yfir mjög rólegur leikur en Skagamenn náðu í þessi tvö færi og nýttu það vel.

+1
Skagamenn með aukaspyrnu sem þeir lyfta inn í teiginn. Viktor er þá mættur á fjær en hittir ekki boltann nógu vel þannig að skotið verður laust og Anton grípur.

Þetta mark náði ekki alveg að setja spennuna í leikinn sem maður vonaðist eftir.

Blikar með langan bolta fram og Árni Marinó tekur alvöru skógarhlaup út úr markinu til að hreinsa boltann. Hann rétt nær smá snertingu og Dagur Örn nær að beygja sig frá fætinum á honum. Munaði litlu að hann hefði bara sparkað beint í Dag.

Flott þríhyrningaspil milli Markús og Gísla fyrir ÍA og Markús tekur svo fast skot en í varnarmann. Skagamenn halda samt boltanum, spila saman í kringum teiginn og koma honum aftur á Markús sem tekur þá skotið yfir markið.

Flott spil hjá Blikunum og þeir koma boltanum á Þorleif úti vinstra megin. Hann gefur boltann fastan fyrir á Anton Loga sem er alveg ódekkaður við vítapunktinn. Skotið hans hins vegar ekki nógu nákvæmt og það fer framhjá.

Dagur Örn kemur með fyrirgjöfina frá hægri beint á kollinn á Þorleifi. Honum tekst bara ekki að beina skallanum niður, þannig þessi fer yfir.

Það er frekar rólegt yfir þessum leik hér í byrjun. Svona eins og við mátti búast, ekkert undir í þessum leik fyrir bæði lið.

Dagur Örn keyrir á Böðvar, tekur svo eina snögga hreyfingu til hliðar áður en hann tekur skotið. Það fór hins vegar lengst yfir.

Gabríel Snær með flottan snúning fyrir utan teig. Opnar svo líkamann og er kominn í frábært skotfæri. Þá ná Skagamenn hins vegar á síðustu stundu að pota boltann frá honum.

Gísli Eyjólfs með frábæran sprett upp miðjan völlinn, leggur svo boltann á Viktor þegar þeir komast að teignum. Viktor reynir skotið en í það fer í varnarmann og afturfyrir.

Gunnar flautar og við erum farin af stað!

Jóhann Ingi verður á hliðarlínunni, hann hefur eitthvað meiðs í upphitun. Gunnar Freyr Róbertsson verður þá með flautuna í þessum leik.

Ekkert undir á skaganum, fínasta veður og menn eru væntanlega mættir til að spila fótbolta og skora mörk, Yfir 3,5 mörk á Epic er 1.78

— Kristalkúlan (@kristalkulan) September 20, 2026

Ólafur Ingi Skúlason þjálfari Breiðabliks gerir tvær breytingar á sínu liði. Ívar Örn Árnason er ekki með í dag, og Jónatan Guðni Arnarson fær sér sæti á bekknum. Dagur Örn Fjeldsted og Viktor Örn Margeirsson koma inn fyrir þá.

Lárus Orri Sigurðsson þjálari ÍA gerir eina breytingu á sínu liði. Steinar Þorsteinsson kemur inn í liðið á meðan Jón Gísli Eyland Gíslason tekur út leikbann.

Það var rosalegur gærdagur í Bestu deildinni þar sem Víkingur innsiglaði meistaratitilinn á Meistaravöllum og KA fór illa með Þór. Fjallað var um leikina í Innkastinu og þá er einnig hægt að sjá það helsta úr þeim hér að neðan.

Jóhann Ingi Jónsson verður með flautuna í dag en honum til aðstoðar verða Guðmundur Ingi Bjarnason og Kristofer Bergmann. Gunnar Freyr Róbertsson verður fjórði dómari og eftirlitsmaður Þórður Georg Lárusson.

Hinrik Harðarson, leikmaður Egersund í Noregi, spáir í leikina sem framundan eru.

ÍA 2 - 2 Breiðablik
Mínir menn upp á Skaga hljóta ætla að klára mótið með sæmd, vera faglegir. Blikarnir komnir með þann stóra og allir ligeglad.

ÍA er í 5. sæti deildarinnar með 30 stig og Breiðablik einu sæti ofar með 33 stig. Það eru hins vegar alveg 12 stig upp í þriðja sætið og því ekki hægt að ná því. Aðeins efstu þrjú sætin gefa liði þátttökurétt í Evrópukeppni á næsta ári og því lítið fyrir þessi tvö lið að spila fyrir. Þau munu eitthvað berjast um að vera liðið sem fær fjórða sætið, en það er aðallega upp á stoltið.

Komið þið sæl og verið velkomin í beina textalýsingu frá leik ÍA og Breiðablik í 24. umferð Bestu deildar karla.

Leikurinn hefst klukkan 16:00 og verður spilaður á Elkem vellinum.
sunnudagur 20. september

Besta karla - Efri hluti
16:00 Keflavík-Fram (HS Orku völlurinn)
16:00 ÍA-Breiðablik (ELKEM völlurinn)

Besta karla - Neðri hluti
16:00 ÍBV-Valur (Hásteinsvöllur)
16:00 FH-Stjarnan (Kaplakrikavöllur)