Leikmenn mæta út á völlinn. KR-ingar eru í ljósbláu búningunum í dag. FH-ingar í sínum aðalbúningum að sjálfsögðu.

Tómas Meyer að sjálfsögðu yfirmaður gæslunnar hér í Krikanum. Allt í öruggum höndum. Það ætti að vera hellingur af áhorfendum en ekki er spáð óeirðum. Leikmenn og dómarar eru að hita upp.

Gríðarlegt magn af iðkendum úr yngri flokkum FH á svæðinu. Friðrik Dór og Jón Jónsson voru í Risanum að hita upp og stýra stuðinu. Alvöru umgjörð hjá stórveldinu í Hafnarfirði.

Vorum að fá þær upplýsingar að Guðmann kenndi sér meins eftir sigurinn gegn Val, er því á meiðslalistanum. Hann spilaði víst seinni hálfleikinn gegn Val meiddur. Vont fyrir FH-inga en þeir hafa góða breidd.

Spámennirnir þrír í fréttamannastúkunni láta til sín taka.

Jóhann Leeds, Morgunblaðinu:
FH verður bikarmeistari og vinnur Víking Reykjavík í úrslitum. Leikur kvöldsins endar 1-0. Steven Lennon.

Runólfur Trausti, Vísi:
KR-sigur. 1-2. KR mun svo vinna Breiðablik í úrslitum!

Ég:
1-1 eftir venjulegan leiktíma. 2-2 eftir framlengingu. KR vinnur í vítaspyrnukeppni.

BYRJUNARLIÐIN ERU KOMIN INN!

Hjá FH vekur athygli að Guðmann Þórisson er ekki í leikmannahópnum. Þórður Þorsteinn, Kristinn Steindórs og Jónatan Ingi fara líka úr liðinu frá sigrinum gegn Val.

Inn koma Cedric D'Ulivo, Atli Guðna, Guðmundur Kristjánsson og Brandur Olsen.

Arnþór Ingi Kristinsson kemur aftur inn í liðið hjá KR og þá vann Tobias Thomsen samkeppnina við Kristján Flóka Finnbogason um byrjunarliðssæti.

Hrikalega ólík leið liðanna í undanúrslitin, talsvert erfiðari leið sem FH hefur farið!

FH byrjaði á 2-1 útisigri gegn Íslandsmeisturum Vals í 32-liða úrslitum, lagði ÍA 2-1 í 16-liða úrslitum og rúllaði svo yfir Grindavík 7-1 í 8-liða úrslitum.

KR vann Dalvík/Reyni 5-0 í 32-liða úrslitum, heimsótti svo Húsavík og vann 2-0 útisigur gegn Völsungi áður en liðið vann 3-0 gegn Njarðvík. Allt leikir gegn liðum í neðri deildunum.

Þegar viðureignir þessara liða frá aldamótum eru skoðaðar kemur í ljós að FH hefur unnið 38 leiki en KR 34. 18 leikir hafa endað með jafntefli.

Þegar þessi tvö lið mættust 23. júní í Pepsi Max-deildinni, hér í Kaplakrika, enduðu leikar 1-2. KR sigur. Alex Freyr Hilmarsson, sem er á meiðslalistanum, og Tobias Thomsen skoruðu mörk KR. Steven Lennon minnkaði muninn fyrir FH.

Kristján Flóki Finnbogason er uppalinn hjá FH en gekk í raðir KR í glugganum. Þetta er því sérstakur leikur fyrir hann en hann ætlar að fagna ef hann nær að skora.

Kristján Flóki Finnbogason, sóknarmaður KR:
Ég hef aðeins fylgst með þeim (FH-ingum) í sumar og sá síðasta leik hjá þeim gegn Val. Þeir voru hrikalega sterkir gegn Val og það verður erfitt að fara í Krikann en við stefnum á bikarúrslitin og við trúum því að við getum sótt sigur í kvöld. Ef ég skora í undanúrslitum bikarsins þá fagna ég, sama á móti hverjum ég er að spila. Vonandi verður það sigurmarkið.

Ólafur Kristjánsson, þjálfari FH:
Það er mikilvægast fyrir okkur að hugsa um okkur sjálfa en það hafa leikmenn í KR-liðinu verið virkilega sterkir í sumar. Fyrir utan það að þeir hafa virkilega sterka liðsheild. Kristinn Jóns og Óskar hafa verið frábærir, Atli Sigurjóns hefur spilað vel og miðjumennirnir verið góðir. Tobias er sterkur senter og nú er Flóki líka kominn inn. Þetta lið getur gert mörk úr mörgum áttum en þeirra helsti styrkleiki finnst mér liðsheildin og bragurinn á liðinu. Svo eru menn þarna sem geta klárað leiki. Það væri óðs manns æði að fókusera á einn eða tvo leikmenn.

Góðan og gleðilegan daginn! Það er safaríkur undanúrsleikur framundan á hinum frábæra Kaplakrikavelli þar sem FH tekur á móti KR í Mjólkurbikarnum.

Helgi Mikael Jónasson dæmir í Krikanum en Gylfi Már Sigurðsson og Bryngeir Valdimarsson eru aðstoðardómarar. Egill Arnar Sigurþórsson er fjórði dómari.

Tveir risar sem eru að fara að kljást um sæti í úrslitaleiknum sjálfum. Úrslitaleikurinn verður 14. september.