Fer að styttast í leik. Vilhjálmur að stilla sér upp og kalla lið út úr klefanum svo allt er til reiðu. Það hefur þó bætt heldur í vind hér í Keflavík og talsvert sterkur vindur sem stendur nánast beint á annað markið.

Byrjunarliðin er mætt hér til hliðar eins og vera ber.

Keflvíkingar gera eina breytingu á liði sínu frá tapinu gegn Víkingum. Adam Árni Róbertsson sest á bekkinn og inn kemur Ísak Óli Ólafsson.

Stjarnan gerir svo tvær breytingar. Einar Karl Ingvarsson tekur út leikbann eftir að hafa fengið rautt spjald gegn Leikni þá er Magnus Anbo Clausen ekki í hóp en í stað þeirra koma þeir Elís Rafn Björnsson og Þorsteinn Már Ragnarsson. Umtalaðasti leikmaður Stjörnunar þessa daganna Sölvi Snær Guðbjargarson vermir svo varamannabekkinn.

Nafnabreyting á vellinum

Keflavíkurvöllur hefur skipt um nafn. Völlurinn sem í talsvert langan tíma hefur gengið undir nafninu Nettóvöllurinn hefur fengið nafnið HS-Orkuvöllurinn.

Eins gott að byrja temja sér það strax bara. :D

Spámaðurinn

Grindvíkingurinn Jósef Kristinn Jósefsson er spámaður umferðarinnar. Jobbi lagði skóna á hilluna eftir síðasta tímabil en hann lék síðustu fjögur ár ferilsins með Stjörnunni. 2. umferðin hefst í kvöld og lýkur á sunnudag.



Keflavík - Stjarnarn 0 - 3
Eftir áhugaverða viku hjá mínum mönnum í Stjörnunni þá fara þeir til Keflavíkur og sigra auðveldan 3-0 sigur á Keflavík. Sölvarinn setur eitt mark Emil Atla setur eitt og svo skorar Eyjólfur Héðins eitt, fagnar marki sínu með að hlaupa út á hliðarlínu og kyssir Fanndísi. Hann verður tekinn útaf í kjölfarið. Hilmar fær hinvegar rautt fyrir kjaft

Gamli leikurinn

Sumarið 2014 er væntanlega greipt í minni stuðningsmanna Stjörnunar enda frábært fyrir þá. Liðið fór taplaust í gegnum tímabilið og stóð uppi sem Íslandsmeistari eftir æsilegan úrslitaleik gegn FH í Kaplakrika.

Þann 15.júní 2014 mættust þessi lið á Nettóvellinum í Keflavík í miklum baráttuleik.. Sindri Snær Magnússon sem nú leikur með ÍA náði forystunni fyrir Keflavík á 50 mínútu leiksins. Ellefu mínútum síðar jafnaði Jeppe Hansen sem síðar átti eftir að leika með Keflavík metin fyrir Stjörnuna og fiskaði síðan víti á 65.mínútu sem Ólafur Karl Finsen kom Stjörnunni yfir úr. Sindri Snær Magnússon bætt við öðru marki sínu og jafnaði metin aðeins mínútu eftir mark Ólafs og þar við sat.

Liðin sátu í 2. og 3. sæti deildarinnar eftir þessi úrslit en tímabil þeirra áttu eftir að þróast í ólíkar áttir. Stjarnan stóð eins og áður sagði uppi sem meistari á meðan að Keflavík þurfti að sætta sig við að vera í fallhættu fram í næstsíðustu umferð.

Umfjöllun Fótbolta.net um leikinn má finna hér

Fyrri viðureignir

Liðin hafa leikið alls 18 leiki innbyrðis í efstu deild frá aldamótum. Tölfræðin er á bandi gestanna fyrir leik kvöldsins en þeir hafa borið sigur úr býtum alls 8 sinnum. Keflavík hefur unnið 4 sinnum og 6 leikjum hefur lokið með jafntefli.

Markatalan er 20-34 gestunum úr Garðabæ í vil.

Stóru spurningarnar

Þær eru margar fyrir svona leik og svo við stiklum á stóru fyrir bæði lið.

Mun Sölvi spila hjá Stjörnunni? En samningaviðræður hans við Breiðablik hafa verið nefndar sem ein af ástæðum uppsagnar Rúnars.

Hvernig er mórallinn hjá Stjörnunni eftir átakaviku? Það þarf ekkert að koma á óvart að atburðir eins og í vikunni setjist í sálina á mönnum sem hafa starfað með Rúnari mörg undanfarin ár. Þorvaldur Örlygsson sem tók við að Rúnari á því ærið verk að vinna að núllstilla hausinn á mönnum fyrir mikilvægan leik.

Finnur Joey Gibbs markaskónna gegn Stjörnunni?
Gibbs fékk nokkur úrvalsfæri gegn Víkingum til að skora sitt fyrsta mark í efstu deild en brást bogalistinn. Finni hann sjálfstraustið sem dreif hann áfram yfir 20 marka múrinn í Lengjudeildinni í fyrra kann hann að verða óstöðvandi.

Snúa Ísak Óli, Marley Blair og Magnús Þór aftur í lið Keflavíkur?
Tveir sterkir miðverðir og kantmaður sem misstu af fyrsta leik og flokkast sem lykilmenn hjá Keflavík. Séu þeir heilir og spili styrkir það heimamenn gríðarlega.

Keflavík

Keflavík fór í heimsókn á Heimavöll hamingjunar í fyrstu umferð og mætti þar liði Víkinga. Þrátt fyrir góða kafla í leiknum máttu Keflvíkingar sætta sig við 1-0 tap gegn lærisveinum Arnars Gunnlaugssonar. Talsvert vantaði í leikmannahóp Keflavíkur í þeim leik en von er á að allavega einhverjir af þeim leikmönnum sem fjarverandi voru snúi aftur í liðið í kvöld gegn Stjörnunni.

Stjarnan

Stjarnan hóf mótið á Samsungvellinum gegn hinum nýliðum deildarinnar Leikni.R. Leik þeirra lauk með markalausu jafntefli og þrátt fyrir svekkelsi með úrslitin var ekkert í kortunum að breytingar yrðu hjá Garðbæingum.

Það var svo skömmu eftir hádegi á miðvikudag sem tilkynning barst úr herbúðum Stjörnunar að Rúnar Páll hefði sagt upp sem þjálfari. Mikið hefur verið rætt og ritað um ástæður þessa en þögnin ein hefur heyrst um málið úr Garðabænum. Elvar Geir Magnússon ritaði þó grein hér á Fótbolta.net í vikunni og reyndi að rýna í mögulegar ástæður. En greinina má lesa hér.

Grafalvarlegt mál, þvæla, stælar og bull - Stjórnarmenn hringi í Sölva og biðji hann afsökunar

Ætlar Toddi að sætta sig við það að stjórnin ráði hvort Sölvi spili?

Áhugaverður slagur

Það verða mörg augu á Nettó-vellinum í kvöld enda hefur afsögn Rúnars Páls Sigmundssonar dregið athygli margra að liði Stjörnunar síðustu daga og margir sem velta fyrir sér hvað
raunverulega hefur gengið á í herbúðum þeirra.

Gott kvöld lesendur góðir og verið hjartanlega velkomin í beina textalýsingu Fótbolta.net frá leik Keflavíkur og Stjörnunar.