Víkingur leikur í átt að Svarfaðardal í fyrri hálfleik og með vindi!

Sýnist einhverjir sjö Víkingar vera mættir til að styðja sína menn. Vonandi láta þeir vel í sér heyra.

Síðustu leikir
Í síðustu átta leikjum liðanna innbyrðis (A-deild) hefur fjórum sinnum lyktað með jafntefli, KA hefur unnið þrjá leiki og Víkingur einn.

Heimaleikur KA endaði 0-0 og heimaleikur Víkings endaði 2-2 í fyrra. Guðmundur Steinn Hafsteinsson og Steinþór Freyr Þorsteinsson skoruðu mörk KA. Helgi Guðjónsson og Kwame Quee skoruðu mörk Víkings.

Það eru alls fimm leikir í Pepsi Max-deildinni í kvöld!

Leikir kvöldsins í Pepsi Max - TEXTALÝSINGAR:
18:00 KA - Víkingur
18:00 HK - ÍA
19:15 Breiðablik - Stjarnan
20:00 Fylkir - Keflavík
20:15 Valur - Leiknir

Byrjunarlið Víkings
16. Þórður Ingason (m)
7. Erlingur Agnarsson
10. Pablo Punyed
12. Halldór Smári Sigurðsson
13. Viktor Örlygur Andrason
17. Atli Barkarson
20. Júlíus Magnússon
21. Kári Árnason (f)
23. Nikolaj Hansen
28. Halldór Jón Sigurður Þórðarson
80. Kristall Máni Ingason

Byrjunarlið KA
13. Steinþór Már Auðunsson (m)
3. Dusan Brkovic
4. Rodrigo Gomes Mateo
7. Daníel Hafsteinsson
10. Hallgrímur Mar Steingrímsson
11. Ásgeir Sigurgeirsson (f)
14. Andri Fannar Stefánsson
16. Brynjar Ingi Bjarnason
23. Steinþór Freyr Þorsteinsson
27. Þorri Mar Þórisson
77. Bjarni Aðalsteinsson

Byrjunarliðin eru klár
Arnar Grétarsson, þjálfari KA, gerir eina breytingu á liði sínu liði frá leiknum gegn Keflavík. Brynjar Ingi Bjarnason, sem var valinn í A-landsliðshóp í dag, byrjar en Bjarni Aðalsteinsson kemur inn í byrjunarliðið fyrir Hauk Heiðar Hauksson.

Arnar Gunnlaugsson, þjálfari Víkings, byrjar með sama byrjunarlið og gegn Víkingi, skiljanlega. Víkingar eru einnig með landsliðsmiðvörð í sínum röðum, Kára Árnason.

Markahæstu leikmenn KA:
Hallgrímur Mar Steingrímsson 5(2)
Ásgeir Sigurgeirsson 3
Elfar Árni Aðalsteinsson 1
Brynjar Ingi Bjarnason 1

Markahæstu leikmenn Víkings:
Nikolaj Hansen 2(1)
Júlíus Magnússon 1
Sölvi Geir Ottesen 1
Pablo Punyed 1
Kwame Quee 1
Helgi Guðjónsson 1

Fær KA leikmenn úr meiðslum?
KA var með níu leikmenn á meiðslalista í síðustu viku en Rodri sneri til baka gegn Keflavík og Sebastiaan Brebels var mættur á bekkinn. Spurning hvort Jonathan Hendrickx eða Sveinn Margeir Hauksson séu orðnir klár í slaginn.

Það kemur í ljós klukkan 17:00 þegar byrjunarliðin verða opinberuð.

Kalli snýr aftur í hópinn
Karl Friðleifur Gunnarsson mátti ekki spila gegn Breiðabliki í síðustu umferð og snýr aftur í leikmannahópinn í dag. Kristall Máni Ingason er klár í slaginn eftir veikindi en þeir Sölvi Geir Ottesen og Ingvar Jónsson eru fjarri góðu gamni.

Binni Willums spáir
Brynjólfur Andersen Willumsson spáir í leiki þessarar umferðar. Binni spáir Víkingi sigri.

,,Þetta verður hörkuleikur og bæði lið hafa litið mjög vel út en Danni Hafsteins og Kwame Quee skora fyrstu mörkin og þetta verður stál í stál 1-1 alveg fram að 90. min. En þá mætir Adam Páls með alvöru takta og leggur upp sigurmarkið á Luigi sem skorar og klárar þennan leik."

Landsliðsmenn kljást
Í dag var tilkynntur landsliðshópur fyrir komandi verkefni gegn Mexíkó, Færeyjum og Póllandi. Brynjar Ingi Bjarnason, miðvörður KA, er í fyrsta sinn valinn í A-landsliðið en það vakti umtal þegar hann var ekki valinn í hóp U21 landsliðsins í mars.

Kári Árnason, fyrirliði Víkings, er svo á sínum stað í hópnum.

Staðan í deildinni:
1. FH 10 stig +8
2. KA 10 stig +8
3. Víkingur 10 stig + 5
4. Valur 10 stig +4
5. Leiknir 5 stig 0

Toppslagur á Dalvík
Bæði lið eru með tíu stig eftir fjórar umferðir. Víkingur vann Breiðablik 3-0 í síðustu umferð og KA sótti 1-4 sigur til Keflavíkur. Menn voru spurðir út í komandi toppslag.

,,Þetta er bara hörkuleikur. Víkingarnir líta mjög vel út en það gekk síðast vel á Dalvík þannig að ég held að það sé bara fín niðurstaða að við förum þangað og spilum góðan leik," sagði Hallgrímur Jónasson, aðstoðarþjálfari KA.

,,Mér líst mjög vel á það. Amma er frá Dalvík þannig ég er að koma á heimaslóðir. Þetta er alveg skrítið, ef þú hefðir sagt við mig að það væri toppslagur gegn KA á Dalvík í fimmtu umferð. Ég hefði þurft smá sannfæringu. Ég sá aðstæðurnar í sjónvarpinu gegn Leikni og völlurinn lítur vel út. Allt virðist vera til fyrirmyndar þarna, okkur hlakkar bara til og þetta verður hörkuleikur," sagði Arnar Gunnlaugsson, þjálfari Víkings.

Komiði sælir lesendur góðir og veriði velkomnir í beina textalýsingu frá Dalvíkurvelli. Leikurinn hefst klukkan 18:00 og er liður í 5. umferð Pepsi Max-deildarinnar.