Napoli og HK Gummi Ben var að tilkynna það rétt í þessu að andstæðingar Víkinga í Evrópu, Egnatia, væri að spila æfingaleik við Napoli á þessari stundu á meðan Víkingar hita upp fyrir Evrópu gegn HK.

Egnatia eru 2-0 undir fyrir áhugasama.

Óskar Örn er meðal varamanna hjá Víkingi

Nikolaj Hansen var í banni í síðasta deildarleik Víkingar töpuðu seinasta deildarleik sínum gegn KA 1-0. Arnar Gunnlaugsson gerir fjórar breytingar á liðinu sínu frá þeim leik. Þeir Ingvar Jónsson, Sveinn Gísli Þorkelsson, Pablo Punyed og Nikolaj Hansen koma inn í liðið fyrir þá Pálma Rafn Arinbjörnsson, Halldór Smára Sigurðsson, Viktor Örlyg Andrason og Matthías Vilhjálmsson. Matthías er ekki í leikmannahópi Víkings.

Stefán í marki HK en Beitir á bekknum Ómar Ingi Guðmundsson, þjálfari HK, gerir tvær breytinga á sínu liði frá 1-1 jafnteflinu gegn Vestra á dögnum. Þeir Stefán Stefánsson og Kristján Snær Frostason koma inn í liðið fyrir þá Arnar Frey Ólafsson og Atla Arnarson.

Arnar Freyr markvörður HK sleit hásin í síðasta leik. Hinn tvítugi Stefán ver mark HK í hans stað en Beitir Ólafsson er varamarkvörður.

   22.07.2024 13:45

Ómar staðfestir hásinaslitin - „Er að fara kaupa markmannshanska núna"

Ómar á Íslandsmeistarana Ómar Ingi, þjálfari HK, er með 100% sigurhlutfall gegn ríkjandi Íslandsmeisturum. Hann vann Blikana tvisvar í fyrra og vann fyrri leikinn gegn Íslandsmeisturum Víkinga inni í Kórnum.

Spáin! Ásta Eir Árnadóttir, fyrirliði kvennaliðs Breiðabliks sem er á toppi Bestu deildar kvenna, spáir í leikina í 16. umferð. Fyrsti leikurinn í umferðinni er á eftir. Ásta fékk að spá í sjö leiki þar sem leik Breiðabliks og Vals var frestað, en leikur Fram og Vals fer fram á morgun.
Valur 0 - 2 Breiðablik (19:15 í kvöld)
Þetta verður geggjaður fótboltaleikur, fullt af færum og mikill hraði. Anton mun eiga stórleik og my guys klára þetta 0-2. Ísak og Höskuldur með mörkin.

Þriðja liðið Helgi Mikael Jónasson dæmir leikinn í kvöld en honum til halds og trausts verða þeir Egill Guðvarður Guðlaugsson og Sveinn Ingi Sigurjónsson Waage. Twana Khalid Ahmed er skiltadómari en eftirlitsmaður KSÍ er hann Þórður Ingi Guðjónsson.

HK að berjast fyrir lífi sínu HK-ingar er í allt annari stöðu en Víkingar. Þeir eru bara með hugann við deildina sem gæti verið kostur fyrir þá í dag. Þeir hafa engu að tapa og mæta væntanlega dýrvitlausir til leiks. HK-ingar gerðu 1-1 jafntefli við Vestra í seinasta leik þar sem Arnar, markmaður HK, meiddist illa og er líklega frá lengi.

Víkingar að hiksta Víkingar hafa ekki verið að spila upp á sitt besta undanfarið. Þeir töpuðu fyrsta leiknum í Evrópueinvíginu á dögunum og einnig töpuðu þeir gegn löskuðu KA liði. Þetta er mjög gott tækifæri fyrir Víkinga að koma sér í gang en í vikunni er seinni leikurinn í Evrópu þar sem allt er undir.

Sú lang Besta! Veriði hjartanlega velkomin í þessa þráðbeinu textalýsingu frá leik Víkings og HK í Bestu deildinni!