SKÝRSLAN: Enn einn 1-0 sigur Skagamanna
Hvað réði úrslitum?
Leikurinn var ekkert rosalega skemmtilegur á að horfa og lítið um færi. Munurinn á liðunum hér í dag var einfaldlega sá að ÍA nýttu færin sín en ekki Fram.
Bestu leikmenn
1. Bjarki Steinn Bjarkason (ÍA)
Kom inní liðið fyrir leikinn og svaraði kallinu vel. Bauð upp á áætlunarferðir upp vinstri kantinn og lagði upp mark ÍA.
2. Árni Snær Ólafsson (ÍA)
Enn eitt hreina lakið hjá Árna í sumar, var öruggur í öllum sínum aðgerðum og greip vel inn í þegar á þurfti. Varði síðan slakt víti Guðmundar til að kóróna leik sinn.
Atvikið
Vítaspyrnuklúður Framara, Fram voru síst lakari aðilinn hér í dag fengu tækifærin til að jafna en nýttu ekki þessi tækifæri. Því miður.
Hvað þýða úrslitin?
ÍA jafna HK að stigum á toppi deildarinnar á meðan Fram tapa sínum öðrum leik í röð í deildinni.
Vondur dagur
Guðmundur Magnússon var ekki góður í dag og hann er leikmaður í það háum gæðaflokki að við viljum sjá meira frá honum. Vítaspyrnan hans var slök og hann náði ekki ekki að fóta sig fyrir framan markið. Fyrsti leikur hans í deildinni í sumar sem hann er slakur svo það þýðir lítið fyrir Framara að væla yfir frammistöðu Gumma.
Dómarinn - 6
Elías dæmdi þennan leik vel að mínu mati. Það var gott flæði á leiknum og vítaspyrnudómurinn var hárréttur. Pedro þjálfari Fram vildi fá fleiri víti í leiknum og Gummi hefði líklega átt að fá víti í fyrri hálfleik en allt annað var rétt hjá Elíasi.



