SKÝRSLAN: Hilmar Árni bjargaði stigi á Meistaravöllum í blálokin
Hvað réði úrslitum?
Stjarnan voru töluvert sterkari aðilinn í fyrri hálfleiknum og voru verðskuldað yfir. KR voru svo miklu sterkari í seinni hálfleik og komust yfir en svo kom þetta langa innkast á 93. mínútu sem Hilmar Árni skallaði inn og kreisti fram jafntefli.
Bestu leikmenn
1. Hilmar Árni Halldórsson
Hilmar lagði upp fyrsta markið með frábærri aukaspyrnu og tryggði svo jafntefli í uppbótartíma þegar hann skallaði boltann inn. Allt í öllu í sóknarleik Stjörnunnar eins og vanalega.
2. Kristinn Jónsson
Kiddi var frábær í kvöld, fór illa með Jóa Lax trekk í trekk og var með sýningu oft á tíðum. Með hann í þessum gír upp kantinn skapast alltaf hætta.
Atvikið
Jöfnunarmark Stjörnunnar á 93. mínútu.
Allt stefndi í 9.sigur KR í röð í deildinni þegar Hilmar Árni skallaði langt innkast Jóa Lax í netið á 93.mínútu og batt enda á sigurgöngu KR.
Hvað þýða úrslitin?
KR var búið að vinna 8 leiki í röð í deildinni og Stjarnan náði að binda enda á sigurgöngu þeirra hér í kvöld.
KR er á toppnum með 7 stiga forrystu sem Blikar geta minnkað í 5 stig á morgun. Stjarnan er í 4.sæti með 20 stig.
Vondur dagur
Beitir Ólafsson.
Beitir er búinn að vera frábær í sumar en það var afskaplega klaufalegt hjá honum að láta boltann fara í markið í fyrsta markinu. Hélt að boltinn væri að fara framhjá markinu og lét hann vera en inn fór boltinn.
Beitir er búinn að setja þann standard á sig að maður vill ekki sjá hann gera svona mistök.
Dómarinn - 9
Mjög vel dæmdur leikur hjá Pétri. Man ekki eftir einhverju sem hann klikkaði á, vítið hárrétt og hélt góðri línu út leikinn.